உதகை நகர திமுக சார்பில் நலத்திட்ட உதவிகள் - திமுக எம்.பி ஆ.ராசா வழங்கினார்!

நீலகிரி: உதகை நகர திமுக சார்பில் நலத்திட்ட உதவிகள் வழங்கும் நிகழ்ச்சியில் நீலகிரி எம்.பி ஆ.ராசா கலந்து கொண்டு நலத்திட்ட உதவிகளை வழங்கினார்.

நீலகிரி மாவட்டம் உதகை நகர திமுக சார்பில், நலத்திட்ட உதவிகள் வழங்கும் நிகழ்ச்சி நகர செயலாளர் எஸ்.ஜார்ஜ் தலைமையில் நடைபெற்றது. இந்த நிகழ்ச்சியில் திமுக துணை பொது செயலாளரும், நீலகிரி எம்.பி.யுமான ராசா நலத்திட்ட உதவிகளை வழங்கி சிறப்புரையாற்றினார்.

மாவட்டச் செயலாளர் பா.மு.முபாரக், சுற்றுலாத்துறை அமைச்சர் கா.ராமச்சந்திரன் ஆகியோர் முன்னிலை வகித்தனர். முன்னதாக, தலைமை கழகம் சார்பில் வெளியிடப்பட்டுள்ள "திராவிட மாடல்" பாடலை கழக துணை பொதுச்செயலாளர் நீலகிரி மாவட்டத்தில் துவக்கி வைத்தார்.

இதில் மாநில பொறியாளர் அணி துணை செயலாளர் பரமேஷ்குமார், மாவட்ட துணை செயலாளர் ரவிகுமார், மாவட்ட பொருளாளர் நாசர் அலி, தலைமைச் செயற்குழு உறுப்பினர்கள் இளங்கோவன், ராஜூ, பொதுக்குழு உறுப்பினர் சதக்கத்துல்லா உட்பட கழக நிர்வாகிகள் பலர் கலந்து கொண்டனர்.