ஸ்ரீ கிருஷ்ணா கலை மற்றும் அறிவியல் கல்லூரியில் "விளையாட்டு விழா"

கோவை, குனியமுத்தூரில் உள்ள ஸ்ரீ கிருஷ்ணா கலை மற்றும் அறிவியல் கல்லூரியில் "விளையாட்டு விழா" இன்று நடைபெற்றது. இவ்விழாவிற்கு கலால்வரித்துறையின் ஆய்வாளர் மற்றும் தமிழக தடகள விளையாட்டு அமைப்பின் பொருளாளர் சி.லதா சிறப்பு விருந்தினராக கலந்து கொண்டு சிறப்புரையற்றினார்.

அப்போது அவர் பேசுகையில்; விளையாட்டு வீரராக வருவதற்கு வயது தடையில்லை. எந்த வயதிலும் விளையாட்டில் நுழைய முடியும். விளையாட்டு ஒழுக்கத்தினை, கட்டுப்பாட்டினை கற்றுக் கொடுக்கும். அதுமட்டுமின்றி பல்வேறு வாய்ப்புகளை நமக்கு அளிக்கும். இளைஞர்கள் விளையாட்டுத் திறனை வளர்க்க வேண்டும். உடல், மன ஆரோக்கியதிற்க்கு விளையாட்டு பெரிதும் உதவும். கல்வி நிறுவனங்கள் விளையாட்டுத்துறை வளர்ச்சியில் முக்கிய பங்கினை வகிக்கின்றன. எத்துறையிலும் சாதனை புரிய விளையாட்டு முக்கிய பங்கினை வகிக்கின்றன. அதேபோல பல்வேறு வேலை வாய்ப்பினையும் கொடுக்கின்றது எனக் கூறினார்.

இவ்விழாவில், பல்வேறு விளையாட்டுப் போட்டிகளில் சாதனை படைத்த மாணவர்கள் கௌரவம் செயப்பட்டனர். மாணவர்கள் மற்றும் ஆசிரியர்களுக்கான நடைபெற்ற போட்டிகளில் வெற்றி பெற்றவர்களுக்கு பரிசுகள் சான்றிதழ்கள் வழங்கப்பட்டது. மேலும், இவ்வாண்டு விளையாட்டுக்கான மொத்த சாம்பியன் பட்டத்தினை பி.பி.ஏ(சி.ஏ) துறையும், இரண்டாம் இடத்தினை பி.எஸ்.சி(சி.எஸ்) துறையும் பெற்று சுழற்கோப்பையினை பெற்றனர். தடகள விளையாட்டில் பி.காம் துறை ஒட்டுமொத்த சாம்பியன் பட்டம் வென்றது. இதில், கோவை மாவட்ட தடகள விளையாட்டுப் பயிற்சியாளர் சீனிவாசன், கல்லூரி முதல்வர் பாபாஞானக்குமார், விளையாட்டுத் துறையின் இயக்குநர் சரவணன் உட்பட பலர் கலந்து கொண்டனர்.