கணேசபுரத்தில் மக்களுடன் முதல்வா் சிறப்பு முகாம் - மேயர் மற்றும் துணை மேயர் ஆய்வு

கோவை: கோவை மாநகராட்சி 100வது வார்டுக்கு உள்பட்ட கணேசபுரம், மூரண்டம்மன் கோயில் வளாகத்தில் நேற்று மக்களுடன் முதல்வர் முகாம் நடைபெற்றது. இம்முகாமை, மாநகராட்சி மேயா் கல்பனா ஆனந்தகுமார், துணை மேயா் வெற்றிச்செல்வன் ஆகியோர் ஆய்வு மேற்கொண்டனா்.

முகாமில், பொதுமக்கள் அளித்த மனுக்களில் பெரும்பாலான மனுக்களுக்கு உடனடியாகத் தீா்வு காணப்பட்டது. இதில், மின் இணைப்பு மாற்றம் செய்வது தொடா்பான மனு மீது உடனடியாக நடவடிக்கை மேற்கொள்ளப்பட்டு அதற்கான உத்தரவு நகலை துணை மேயா் வெற்றிச்செல்வன் பயனாளி குணசுந்தரிக்கு வழங்கினார்.

இதில், மாமன்ற உறுப்பினா்கள் அஸ்லம் பாட்ஷா, பாபு, திமுக நிர்வாகிகள், அயலக அணி துணை அமைப்பாளா் டேவிட் ராஜா, இளைஞரணி துணை அமைப்பாளா் புவனேஷ் உள்ளிட்டோர் கலந்து கொண்டனா்.