மத்திய மனிதவள மேம்பாட்டுத்துறையின் தேசிய அளவிலான தரவரிசைப் பட்டியலில் பாரதியார் பல்கலைக் கழகத்திற்கு உட்பட்ட 12 கலை அறிவியல் கல்லூரிகள் இடம்பெற்று சாதனைபடைத்துள்ளது.
மத்திய மனிதவள மேம்பாடு அமைச்சகம் (மனிதவளத்துறை) தேசிய நிறுவன தரவரிசை கட்டமைப்பின் இந்திய பல்கலைக் கழகங்களுக்கான தரவரிசையினை திங்களன்று வெளியிட்டுள்ளது.
இதில் ஒட்டுமொத்த தரவரிசையில் பாரதியார் பல்கலைக் கழகம் இந்திய அளவில் 28-வது இடத்தையும், தமிழக அளவில் முதலிடத்தையும் பெற்றுள்ளது. ஆராய்ச்சி வெளியீடுகள் சார்ந்த மதிப்பீட்டு படி, பாரதியார் பல்கலைக்கழகம் இந்திய பல்கலைக்கழகங்கள் மத்தியில் 14-வது இடத்தை பெற்றுள்ளது.
மேலும், பாரதியார் பல்கலைக்கழகத்தின் கீழ் செயல்பட்டு வரும் பன்னிரண்டு இணைப்பு கல்லூரிகள் தேசிய அளவில் உள்ள கல்லூரிகள் தரவரிசையில் முதல் 100 இடத்திற்குள் வந்துள்ளது குறிப்பிடத்தக்கது.
பாரதியார் பல்கலைக்குட்பட்ட கல்லூரிகள் தரவரிசையில் பெற்றுள்ள இடங்கள்
பி எஸ் ஜி கலை அறிவியல் கல்லூரி- 11
பி எஸ் ஜி ஆர் கிருஷ்ணமாள் மகளிர் கல்லூரி-14
கொங்குநாடு கலை அறிவியல் கல்லுரி-19
ஸ்ரீ கிருஷ்ணா கலை அறிவியல் கல்லூரி-22
என்ஜிபி கலை அறிவியல் கல்லூரி-44
கோபி கலை அறிவியல் கல்லூரி-57
கொங்கு கலை அறிவியல் கல்லூரி-63
நிர்மலா கலை அறிவியல் கல்லூரி- 65
ரத்தினம் கலை அறிவியல் கல்லூரி- 66
ஸ்ரீ ராமகிருஷ்ணா மகளிர் கலை அறிவியல் கல்லூரி-68
எஸ்என்ஆர் சன்ஸ் கல்லூரி-69
ஹிந்துஸ்தான் கலை அறிவியல் கல்லூரி-75