அம்பேத்கரின் கனவை நனவாக்கும் அரசாக பாஜக அரசு செயல்பட்டு வருகிறது- பாஜக மாநில பொதுச்செயலாளர் வானதிசீனிவாசன்

அண்ணல் அம்பேத்கரின் இன்று 127-வது பிறந்தநாளை முன்னிட்டு நாடு முழுவதும் அவரது சிலைகளுக்கு மாலை அணிவித்து அரசியல் கட்சியினர் மரியாதை செலுத்தி வருகின்றனர்.

இதன் ஒரு பகுதியாக கோவை இந்திய உணவுக்கழக வளாகத்தில் உள்ள டாக்டர். அம்பேத்கர் சிலைக்கு பாஜக மாநில பொதுச் செயலாளர் வானதி சீனிவாசன் இன்று மாலை அணிவித்து மரியாதை செலுத்தினார்.

பின்னர் பேட்டியளித்த அவர், ஒடுக்கப்பட்ட மக்களுக்கு அங்கீகாரம் கிடைக்க போராடிய டாக்டர். அம்பேத்கர் பெயரில் பல்வேறு நலத் திட்டங்களை மத்திய அரசு செயல்படுத்தி வருவதாக தெரிவித்தார்.

மேலும் டாக்டர். அம்பேத்கரின் கனவை நனவாக்கும் அரசாக மத்திய பாஜக அரசு செயல்படுகின்றது எனவும் பாஜக மாநில பொதுச்செயலாளர் வானதிசீனிவாசன் தெரிவித்தார்.