கோவை கரும்புக்கடையில் போதை மாத்திரை மற்றும் கஞ்சா விற்பனை: மூவர் கைது

Coimbatore: கோவை கரும்புக்கடை பகுதியில் போதை மாத்திரை மற்றும் கஞ்சா விற்பனை செய்த மூன்று பேரை போலீசார் கைது செய்தனர். இச்சம்பவம் குறித்து போலீசார் தெரிவித்த விவரம்:

கோவை கரும்புக்கடை போலீசார் ஜூலை 15 அன்று வழக்கமான ரோந்து பணியில் ஈடுபட்டிருந்தனர். அப்போது கரும்புக்கடை சாரமேட்டில் உள்ள ஒரு காலி இடத்தில் சிலர் சந்தேகத்திற்கிடமான விதத்தில் நின்று கொண்டிருந்தனர். இதனைக் கண்ட போலீசார் அவர்களை அணுகி விசாரணை மேற்கொண்டனர்.

விசாரணையின் போது அவர்கள் அளித்த பதில்கள் முரண்பாடாக இருந்ததால், போலீசார் மேலும் சோதனை நடத்தினர். அப்போது அவர்கள் போதை மாத்திரை மற்றும் கஞ்சா விற்பனையில் ஈடுபட்டிருந்தது தெரிய வந்தது.

உடனடியாக போலீசார் அவர்களை கைது செய்தனர். கைது செய்யப்பட்டவர்கள் கரும்புக்கடை சவுகார் நகரைச் சேர்ந்த ரிஷ்வான் சுகைல் (24), தெற்கு உக்கடத்தைச் சேர்ந்த ஆஷிக் ஷெரீப் (23), மற்றும் வெள்ளலூர் ஹவுசிங் யூனிட்டைச் சேர்ந்த முகமத் நவாஸ் (29) ஆகியோர் ஆவர்.

கைது செய்யப்பட்டவர்களிடமிருந்து 60 போதை மாத்திரைகள் மற்றும் 150 கிராம் கஞ்சா பறிமுதல் செய்யப்பட்டது. மேலும் இந்த விற்பனையுடன் தொடர்புடைய முஜிப் ரகுமான் (27) மற்றும் கட்டதுரை என்று அழைக்கப்படும் நவுபால் ஆகிய இருவரை போலீசார் தேடி வருகின்றனர்.

இந்த சம்பவம் தொடர்பாக போலீசார் வழக்குப் பதிவு செய்து விசாரணை மேற்கொண்டு வருகின்றனர். போதைப் பொருள் விற்பனையில் ஈடுபடுபவர்கள் மீது கடும் நடவடிக்கை எடுக்கப்படும் என்று போலீசார் எச்சரிக்கை விடுத்துள்ளனர்.