கோவை ஆற்றுப்பாலம் இந்துக்கள் மயானத்தை சீரமைக்க வானதி சீனிவாசன் எம்எல்ஏ கோரிக்கை

Coimbatore: கோவை ஆற்றுப்பாலம் பகுதியில் உள்ள இந்துக்கள் மயானத்தை சீரமைத்து தரும்படி கோவை தெற்கு சட்டமன்ற உறுப்பினர் வானதி சீனிவாசன் கோவை மாநகராட்சி ஆணையர் M. சிவகுரு பிரபாகரனிடம் கோரிக்கை விடுத்துள்ளார்.

கோவை குனியமுத்தூர் சாலை ஆற்றுப்பாலம் பகுதியில் அமைந்துள்ள இந்துக்கள் மயானத்தில், வரும் ஆடி 18 (03.08.2024) அன்று காலம் காலமாக இறந்தவர்களை நினைவு கூறும் வகையில் வழிபாடு நடத்துவது வழக்கம். தற்போது இப்பகுதியில் உள்ள சமாதிகள் அனைத்தும் முட்புதர்களால் சூழப்பட்டுள்ளதால், பொதுமக்கள் வழிபாடு செய்வதில் சிரமம் ஏற்படும் என்று எம்எல்ஏ சுட்டிக்காட்டியுள்ளார்.

இந்நிலையில், அப்பகுதியில் உள்ள முட்புதர்களை அகற்றுவதோடு, குடிநீர் வசதி, உப்பு தண்ணீர் வசதி மற்றும் தற்காலிக கழிப்பறை வசதி ஆகியவற்றை செய்து தரும்படி வானதி சீனிவாசன் கேட்டுக்கொண்டுள்ளார். இதன் மூலம் வரும் ஆடி 18 அன்று மக்கள் எந்த இடையூறும் இன்றி தங்களது முன்னோர்களை நினைவு கூர்ந்து வழிபாடு செய்ய முடியும் என்று தெரிவித்துள்ளார்.

மாநகராட்சி ஆணையர் இக்கோரிக்கையை ஏற்று, விரைவில் நடவடிக்கை எடுப்பார் என எதிர்பார்க்கப்படுகிறது.