'க்யூமிஸ்ட்ரை'17 எனும் உயிர்வேதியியல் துறையின் வினாடி வினா போட்டி கடந்த 2014ம் ஆண்டு முதல் ஒவ்வொரு ஆண்டும் பி எஸ் ஜி மருத்துவமனை சார்பில் நடைபெற்று வருகிறது.
முதல் முதலில் இப்போட்டி துவங்கும் போது 104 அணிகள் பங்கேற்றன. தற்போது இவ்வாண்டில் 189 அணிகள் பங்கேற்கவுள்ளது என நிகழ்ச்சியின் ஒருங்கிணைப்பாளர்கள் தெரிவித்துள்ளனர்.
வரும் 23ம் தேதியன்று நடைபெறவுள்ள 189 அணிகள் பங்கேற்கும் முதற்கட்டத் தேர்வினைத் தொடர்ந்து, அதில் இருந்து 12 அணிகள் இரண்டு அரை இறுதி சுற்றுகளுக்கு தேர்வு செய்யப்படுவர். தொடர்ந்து, மதியம் இறுதிப் போட்டிக்கு 6 அணிகளும், ஒய்ல்டுகார்டு முறையின் மூலம் 7 வது அணியும் போட்டியிட உள்ளனர்.
உயிர்வேதியியல் துறை துணை பேராசிரியர் மீனாக்ஷி சுந்தரம் தலைமையில் நடைபெறும் இந்த க்யூமிஸ்ட்ரை'17 போட்டியில் ஜிம்பர்-யின் ஸ்ரீதர் சிறப்பு விருந்தினராக பங்கேற்கவுள்ளார்.
இதில், உயிர்வேதியியல் துறைத் தலைவர் ஜி.ஜெயேந்திரன் உள்ளிட்ட பேராசிரியர்கள், மற்ற துறை தலைவர்கள் என ஏராளமானோர் பங்கேற்க உள்ளனர்.