கோவை: கதிர்நாயக்கன்பாளையம், அரசூர் பகுதிகளில் நாளை மின்தடை - மின்வாரியம் அறிவிப்பு

Coimbatore: கோவை மாவட்டத்தில் கதிர்நாயக்கன்பாளையம் மற்றும் அரசூர் துணை மின் நிலையங்களில் மாதாந்திர பராமரிப்பு பணிகள் நடைபெறவுள்ளதால், நாளை (ஆகஸ்ட் 2) பல பகுதிகளில் மின்தடை இருக்கும் என மின்வாரியம் அறிவித்துள்ளது.

கதிர்நாயக்கன்பாளையம் துணை மின் நிலையத்தில் நடைபெறும் பராமரிப்பு பணிகள் காரணமாக, காலை 9 மணி முதல் மாலை 5 மணி வரை கதிர்நாயக்கன்பாளையம், ராக்கிபளையம், டீச்சர்ஸ் காலனி, நரசிம்மநாயக்கன்பாளையம், குமராபுரம், கணேஷ் நகர், ஸ்ரீராம் நகர், பாம்பே நகர், தொப்பம்பட்டி ஆகிய பகுதிகளில் மின் விநியோகம் இருக்காது.

அதேபோல, அரசூர் துணை மின் நிலையத்திலும் மாதாந்திர பராமரிப்பு பணிகள் நடைபெறவுள்ளதால், அதே நேரத்தில் அரசூர், பொத்தியாம்பாளையம், குரும்பபாளையம், தென்னம்பாளையம், செங்கோடகவுண்டன்புதூர், செல்லப்பம்பாளையம், பச்சாபாளையம், வடுகபாளையம், சங்கோதிபாளையம், சமத்துவபுரம், அன்பு நகர், அன்னூர் சாலை, பொன்னாண்டம் பாளையம், மோளபாளையம் ஆகிய பகுதிகளில் மின் விநியோகம் இருக்காது.

இந்த மின்தடை அறிவிப்பை மின்வாரியம் இன்று வெளியிட்டுள்ளது. மேற்கூறிய பகுதிகளில் வசிக்கும் மக்கள் தங்களது அன்றாட வேலைகளை முன்கூட்டியே முடித்துக் கொள்ளுமாறு அறிவுறுத்தப்படுகிறார்கள்.