பொள்ளாச்சி அருகே ஒக்கிலிபாளையம் ஊராட்சியில் எம்.எல்.ஏ. மேம்பாட்டு நிதியில் பொருத்தப்பட்ட 16 சிசிடிவி கேமராக்களை பொள்ளாச்சி எம்.எல்.ஏ. ஜெயராமன் நேரில் ஆய்வு செய்தார். அதன் செயல்பாடுகள் குறித்தும் கேட்டறிந்தார்.
Coimbatore: பொள்ளாச்சி அருகே உள்ள ஒக்கிலிபாளையம் ஊராட்சியில் பொள்ளாச்சி சட்டமன்ற உறுப்பினர் மேம்பாட்டு நிதியிலிருந்து 16 சிசிடிவி கேமராக்கள் பொருத்தப்பட்டுள்ளன. இந்த புதிதாக பொருத்தப்பட்டுள்ள சிசிடிவி கேமராக்களை இன்று பொள்ளாச்சி சட்டமன்ற உறுப்பினர் பொள்ளாச்சி ஜெயராமன் நேரில் சென்று பார்வையிட்டு ஆய்வு மேற்கொண்டார்.
ஆய்வின் போது, எம்.எல்.ஏ. ஜெயராமன் சிசிடிவி கேமராக்களின் செயல்பாடுகள் குறித்து விரிவாக கேட்டறிந்தார். இந்த ஆய்வில் அவருடன் வடக்கு ஒன்றிய குழு தலைவர் விஜயராணி ரங்கசாமி, கிணத்துக்கடவு மேற்கு ஒன்றிய அதிமுக செயலாளர் திருஞானசம்பந்தம் மற்றும் ஒக்கிலிபாளையம் ஊராட்சி மன்ற தலைவர் உள்ளிட்ட பலர் கலந்து கொண்டனர்.
இந்த சிசிடிவி கேமராக்கள் ஊராட்சி பகுதியில் பாதுகாப்பை மேம்படுத்துவதோடு, குற்றச்செயல்களைத் தடுப்பதற்கும் உதவும் என எதிர்பார்க்கப்படுகிறது. மேலும், இது போன்ற திட்டங்கள் மூலம் கிராமப்புற பகுதிகளின் பாதுகாப்பு மற்றும் மேம்பாட்டிற்கு எம்.எல்.ஏ. நிதி பயன்படுத்தப்படுவது குறிப்பிடத்தக்கது.