கோவை அவினாசி சாலையில் பி.எஸ்.ஜி. கல்லூரிகளுக்கு இடையே இருந்த நடைமேம்பாலம் மேம்பாலப் பணிக்காக அகற்றப்பட்டு, தற்போது புதிய வடிவமைப்புடன் மீண்டும் கட்டப்படுகிறது. மாணவர்கள் மற்றும் பொதுமக்களின் பாதுகாப்பான பயணத்திற்காக இந்த நடவடிக்கை மேற்கொள்ளப்படுகிறது.
Coimbatore: கோவை அவினாசி சாலையில் பி.எஸ்.ஜி. தொழில்நுட்பக் கல்லூரி மற்றும் பி.எஸ்.ஜி. மேலாண்மைக் கல்லூரி இடையே 2007ஆம் ஆண்டு கட்டப்பட்ட நடைமேம்பாலம், அவினாசி சாலை மேம்பாலப் பணிக்காக கடந்த மார்ச் மாதம் அகற்றப்பட்டது. தற்போது அதே இடத்தில் புதிய வடிவமைப்புடன் மீண்டும் நடைமேம்பாலம் அமைக்கப்பட்டு வருகிறது.
15 ஆண்டுகளுக்கும் மேலாக பயன்பாட்டில் இருந்த இந்த நடைமேம்பாலம், இரு கல்லூரிகளின் மாணவர்கள் மற்றும் பொதுமக்கள் சாலையைக் கடக்க பெரிதும் உதவியாக இருந்தது. இது அகற்றப்பட்ட பின்னர், மாணவர்கள் சாலையைக் கடப்பதில் சிரமங்களை எதிர்கொண்டனர்.
அவினாசி சாலை மேம்பாலத்திற்கான தூண்கள் மற்றும் டெக் ஸ்லாப் அமைக்கப்பட்டுள்ள நிலையில், அதற்கு சற்று கீழே புதிய நடைமேம்பாலம் அமைக்கும் பணிகள் தொடங்கியுள்ளன. முன்பிருந்த வடிவத்திலிருந்து மாறுபட்ட புதிய வடிவமைப்பில் இந்த நடைமேம்பாலம் உருவாக்கப்பட்டுள்ளது.
தற்போது நடைமேம்பாலத்தின் ஒரு பகுதி பொருத்தப்பட்டு வருகிறது. விரைவில் முழுமையாக நிறைவடையும் இந்த நடைமேம்பாலம், மாணவர்கள் மற்றும் பொதுமக்களின் பயன்பாட்டிற்கு வரும் என எதிர்பார்க்கப்படுகிறது.
10.1 கிலோமீட்டர் நீளமுள்ள அவினாசி சாலை மேம்பாலப் பணிகள் தொடர்ந்து நடைபெற்று வரும் நிலையில், இந்த நடைமேம்பாலம் மாணவர்கள் மற்றும் பொதுமக்களின் பாதுகாப்பான பயணத்திற்கு உதவியாக இருக்கும் என்று எதிர்பார்க்கப்படுகிறது.
15 ஆண்டுகளுக்கும் மேலாக பயன்பாட்டில் இருந்த இந்த நடைமேம்பாலம், இரு கல்லூரிகளின் மாணவர்கள் மற்றும் பொதுமக்கள் சாலையைக் கடக்க பெரிதும் உதவியாக இருந்தது. இது அகற்றப்பட்ட பின்னர், மாணவர்கள் சாலையைக் கடப்பதில் சிரமங்களை எதிர்கொண்டனர்.
அவினாசி சாலை மேம்பாலத்திற்கான தூண்கள் மற்றும் டெக் ஸ்லாப் அமைக்கப்பட்டுள்ள நிலையில், அதற்கு சற்று கீழே புதிய நடைமேம்பாலம் அமைக்கும் பணிகள் தொடங்கியுள்ளன. முன்பிருந்த வடிவத்திலிருந்து மாறுபட்ட புதிய வடிவமைப்பில் இந்த நடைமேம்பாலம் உருவாக்கப்பட்டுள்ளது.
தற்போது நடைமேம்பாலத்தின் ஒரு பகுதி பொருத்தப்பட்டு வருகிறது. விரைவில் முழுமையாக நிறைவடையும் இந்த நடைமேம்பாலம், மாணவர்கள் மற்றும் பொதுமக்களின் பயன்பாட்டிற்கு வரும் என எதிர்பார்க்கப்படுகிறது.
10.1 கிலோமீட்டர் நீளமுள்ள அவினாசி சாலை மேம்பாலப் பணிகள் தொடர்ந்து நடைபெற்று வரும் நிலையில், இந்த நடைமேம்பாலம் மாணவர்கள் மற்றும் பொதுமக்களின் பாதுகாப்பான பயணத்திற்கு உதவியாக இருக்கும் என்று எதிர்பார்க்கப்படுகிறது.