கோவை மாநகராட்சியில் நாளை மக்கள் குறைதீர்க்கும் நாள் கூட்டம்: மேயர் கா.ரங்கநாயகி ராமச்சந்திரன் தலைமையில் நடைபெறுகிறது

கோவை: கோவை மாநகராட்சி பிரதான அலுவலகத்தில் நாளை (10.09.2024) செவ்வாய்க்கிழமை மேயர் கா.ரங்கநாயகி ராமச்சந்திரன் தலைமையில் மக்கள் குறைதீர்க்கும் நாள் கூட்டம் நடைபெற உள்ளது.

இந்தக் கூட்டம் காலை 11.00 மணி முதல் நண்பகல் 1.00 மணி வரை நடைபெறும். கோவை மாநகราட்சிக்குட்பட்ட பகுதியிலுள்ள பொதுமக்கள் பல்வேறு அடிப்படை வசதிகள் குறித்த கோரிக்கை மனுக்களை மேயரிடம் நேரடியாக அளிக்கலாம்.

பிறப்பு, இறப்பு சான்றிதழ்கள், சாலை வசதி, மின்விளக்குகள், குடிநீர் வசதி, பாதாள சாக்கடை, தொழில்வரி, சொத்துவரி, காலியிடவரி, புதிய குடிநீர் இணைப்பு, பெயர் மாற்றம், மருத்துவம், சுகாதாரம், கல்வி உள்ளிட்ட பல்வேறு அடிப்படை வசதிகள் தொடர்பான கோரிக்கைகளை பொதுமக்கள் அளிக்கலாம்.

இந்த கோரிக்கை மனுக்களின் மீது துறைசார்ந்த மாநகராட்சி அலுவலர்களால் உரிய நடவடிக்கை மேற்கொள்ளப்படும் என்று தெரிவிக்கப்பட்டுள்ளது. எனவே, பொதுமக்கள் இந்த வாய்ப்பைப் பயன்படுத்தி தங்கள் குறைகளை தெரிவித்து தீர்வு பெற முன்வருமாறு கேட்டுக்கொள்ளப்படுகிறார்கள்.