தொண்டாமுத்தூரில் மாணவர்களுக்கு விலையில்லா மிதிவண்டிகள் வழங்கல் மற்றும் சாலை அமைப்பு பணிகளுக்கு பூமி பூஜை

கோவை: தொண்டாமுத்தூர் பேரூராட்சியில் உள்ள அரசு ஆண்கள் மேல்நிலைப் பள்ளியிலும், தொண்டாமுத்தூர் ஒன்றியத்தின் மருத்துவராயபுரம் ஊராட்சியில் உள்ள அரசு மேல்நிலைப் பள்ளியிலும் மாணவ மாணவிகளுக்கு இன்று விலையில்லா மிதிவண்டிகள் வழங்கப்பட்டன.



இந்த நிகழ்வில் பொள்ளாச்சி பாராளுமன்ற உறுப்பினர் K.ஈஸ்வரசாமியுடன் இணைந்து, கோவை வடக்கு மாவட்ட திமுக செயலாளர் தொண்டாமுத்தூர் ரவி மிதிவண்டிகளை வழங்கினார்.



அதேநேரம், தொண்டாமுத்தூர் சட்டமன்ற தொகுதியில் பல்வேறு நலத்திட்ட பணிகளுக்கான பூமி பூஜை நிகழ்ச்சிகளும் இன்று நடைபெற்றன.



முதலில், தாளியூர் பேரூர் கழகப் பகுதியில் ரூ.1 கோடி 55 லட்சம் மதிப்பீட்டில் பல்வேறு வார்டுகளில் தார் சாலை அமைக்கும் பணிக்கான பூமி பூஜை நடைபெற்றது.



இந்த நிகழ்வை பொள்ளாச்சி நாடாளுமன்ற உறுப்பினர் K.ஈஸ்வரசாமி மற்றும் கோவை வடக்கு மாவட்ட திமுக செயலாளர் தொண்டாமுத்தூர் ரவி ஆகியோர் தொடங்கி வைத்தனர்.



இந்த நிகழ்வுகளில் உள்ளாட்சி அமைப்பு பிரதிநிதிகள் மற்றும் திமுக கழக நிர்வாகிகள் பலரும் கலந்து கொண்டனர். இந்த சாலை அமைப்பு பணிகள் வார்டு எண் 02, 01, 10, 03, 06, 15 மற்றும் 09 ஆகிய பகுதிகளில் மேற்கொள்ளப்படவுள்ளன. இந்த திட்டங்கள் அப்பகுதி மக்களின் போக்குவரத்து வசதிகளை மேம்படுத்தும் என எதிர்பார்க்கப்படுகிறது.