பொள்ளாச்சியில் நேதாஜி இளைஞர் பேரவை மற்றும் என்ஜிஎம் கல்லூரி மாணவர்கள் இணைந்து ரத்த தான விழிப்புணர்வு பிரச்சாரம்

Coimbatore: பொள்ளாச்சியில் நேதாஜி சுபாஷ் சந்திரபோஸ் இளைஞர் பேரவை மற்றும் என்ஜிஎம் கல்லூரியின் தேசிய மாணவர் படை இணைந்து தேசிய ரத்த தான தினத்தை முன்னிட்டு விழிப்புணர்வு பிரச்சாரம் நடத்தினர். அக்டோபர் 1ஆம் தேதி நடைபெற்ற இந்த நிகழ்வில், அரசு மருத்துவமனை கடைவீதி, புதிய பேருந்து நிலையம், பழைய பேருந்து நிலையம், ராஜா மில் ரோடு உள்ளிட்ட பகுதிகளில் உள்ள கடைகளில் துண்டு பிரசுரங்கள் வழங்கப்பட்டன.

இளைஞர்கள், பொதுமக்கள், ஆட்டோ ஓட்டுநர்கள் உள்ளிட்டோரிடம் ரத்த தானம் குறித்த விழிப்புணர்வை ஏற்படுத்தினர். 18 வயது முதல் 60 வயது வரை உள்ளவர்கள் மூன்று மாதத்திற்கு ஒரு முறை அல்லது ஆறு மாதத்திற்கு ஒரு முறை ரத்த தானம் செய்யலாம் என்ற தகவலை மக்களிடம் பகிர்ந்து கொண்டனர்.



இந்த விழிப்புணர்வு நிகழ்ச்சியில் நேதாஜி இளைஞர் பேரவை தலைவர் வெள்ளை நடராஜ் தலைமை வகித்தார். நேதாஜி இளைஞர் பேரவை செயலாளர் மணிகண்டன் முன்னிலை வகித்தார். மேலும், நேதாஜி இளைஞர் பேரவை நிர்வாகிகள், நவீன் குமார், என்ஜிஎம் கல்லூரி மாணவர்கள் உள்ளிட்டோர் கலந்து கொண்டனர்.

பல்வேறு இடங்களில் ரத்த தானத்தின் தேவை குறித்து பொதுமக்கள் மத்தியில் விழிப்புணர்வு ஏற்படுத்தப்பட்டது. ரத்த தானம் செய்வதன் மூலம் பலருடைய உயிர்களைக் காப்பாற்ற முடியும் என்பதை வலியுறுத்தினர். தொடர்ந்து இது போன்ற விழிப்புணர்வு நிகழ்ச்சிகளை நடத்த திட்டமிட்டுள்ளதாக நேதாஜி இளைஞர் பேரவை உறுப்பினர்கள் தெரிவித்தனர்.