கோவை பெரியநாயக்கன்பாளையத்தில் கான்கிரீட் சாலை மற்றும் மயான காத்திருப்பு கூடம் அமைக்கும் பணி தொடக்கம்

கோவை: கோவை கவுண்டம்பாளையம் சட்டமன்ற தொகுதிக்கு உட்பட்ட பெரியநாயக்கன்பாளையத்தில் புதிய கான்கிரீட் சாலை மற்றும் மயான காத்திருப்பு கூடம் அமைக்கும் பணிகள் தொடங்கப்பட்டுள்ளன. இப்பணிகளுக்கான அடிக்கல் நாட்டு விழா இன்று (அக்டோபர் 9) நடைபெற்றது.

பெரியநாயக்கன்பாளையம் ஊராட்சி, ஆணைகட்டி, ஆலமரமேடு பகுதிகளில் ரூ.4.90 லட்சம் மதிப்பீட்டில் கான்கிரீட் சாலை அமைக்கும் பணி ஒன்றிய நிதியிலிருந்து மேற்கொள்ளப்படுகிறது. மேலும், பெரியநாயக்கன்பாளையம் மேற்கு ஒன்றியம் ஆர்நாட்காடு பகுதியில் 15வது நிதிக்குழு நிதியிலிருந்து ரூ.7.35 லட்சம் மதிப்பீட்டில் கான்கிரீட் சாலையும், ரூ.5.50 லட்சம் மதிப்பீட்டில் மயான காத்திருப்பு கூடமும் அமைக்கப்படவுள்ளன.



இப்பணிகளுக்கான பூமி பூஜையை கவுண்டம்பாளையம் சட்டமன்ற உறுப்பினர் PRG அருண்குமார் முன்னிலையில் நடத்தி வைத்தார். இந்நிகழ்ச்சியில் பெரியநாயக்கன்பாளையம் ஒன்றிய செயலாளர் துரைசாமி, யூனியன் கவுன்சிலர் நர்மதா துரைசாமி, கழக செயல் வீரர்கள் மற்றும் பொதுமக்கள் கலந்து கொண்டனர்.

இந்த அடிப்படை கட்டமைப்பு மேம்பாட்டுப் பணிகள் பெரியநாயக்கன்பாளையம் பகுதி மக்களின் வாழ்க்கைத் தரத்தை மேம்படுத்தும் என்று எதிர்பார்க்கப்படுகிறது. குறிப்பாக, புதிய கான்கிரீட் சாலைகள் போக்குவரத்தை எளிதாக்கும் என்றும், மயான காத்திருப்பு கூடம் அப்பகுதி மக்களுக்கு பெரும் பயனளிக்கும் என்றும் நம்பப்படுகிறது.