ஸ்ரீ இராமகிருஷ்ணா தொழில்நுட்பக் கல்லூரி முன்னாள் மாணவர்கள் பெங்களூருவில் மாபெரும் சந்திப்பு

Coimbatore: ஸ்ரீ இராமகிருஷ்ணா தொழில்நுட்பக் கல்லூரியின் முன்னாள் மாணவர்கள் சங்கத்தின் சார்பில் பெங்களூரு மடிவாலாவில் நடைபெற்ற SRIT Alumni Connect 2K26 நிகழ்வில், பல்வேறு துறைகள் மற்றும் ஆண்டுகளைச் சேர்ந்த சுமார் 120 முன்னாள் மாணவர்கள் கலந்துகொண்டு சிறப்பித்தனர்.

SNR சன்ஸ் அறக்கட்டளையின் இணை அறங்காவலர் நரேந்திரன் சௌந்தரராஜன் தலைமையில் நடைபெற்ற இந்த நிகழ்வில், கல்லூரியின் முதல்வர் Dr. J. டேவிட் ரத்னராஜ், துறைத் தலைவர்கள் மற்றும் பேராசிரியர்கள் கலந்துகொண்டனர். சங்கச் செயலாளர் C. மோகனப்ரியா வரவேற்புரை வழங்கினார். தொடர்ந்து, இணைச் செயலாளர் S. திவ்யா முன்னாள் மாணவர் சங்கத்தின் செயல்பாடுகள் குறித்து விரிவான விளக்கம் அளித்தார்.


இணை அறங்காவலர் நரேந்திரன் சௌந்தரராஜன், பழைய மாணவர்களின் உற்சாகமான பங்கேற்பை பாராட்டினார். மேலும், வரவிருக்கும் வெள்ளி விழா கொண்டாட்டம் குறித்து அறிவித்ததுடன், மாணவர்களின் முன்னேற்றத்திற்காக தொடர்ந்து ஆதரவு வழங்குமாறு வேண்டுகோள் விடுத்தார். முதல்வர் Dr. J. டேவிட் ரத்னராஜ், கல்லூரியின் சமீபகால முன்னேற்றங்கள் பற்றி விளக்கமளித்தார். கல்வி மற்றும் வேலைவாய்ப்பு விஷயங்களில் முன்னாள் மாணவர்கள் வழங்கி வரும் தொடர் ஆதரவை பாராட்டினார்.


இந்த நிகழ்வு பழைய நினைவுகளை நினைவுகூரவும், நண்பர்களுடன் மீண்டும் தொடர்பு கொள்ளவும், தொழில்நுட்ப வலையமைப்பை வலுப்படுत்தவும் ஒரு சிறந்த வாய்ப்பாக அமைந்தது. முன்னாள் மாணவர்கள், தற்போதைய தொழில் சந்தை நிலவரங்களை பகிர்ந்துகொண்டதுடன், தங்களது இளைய மாணவர்களுக்கு வேலைவாய்ப்பு மற்றும் வழிகாட்டுதல் வழங்க தயாராக இருப்பதாக தெரிவித்தனர். நிகழ்வை சிறப்பாக ஏற்பாடு செய்ததற்காக முன்னாள் மாணவர்கள் மகிழ்ச்சியும் நன்றியும் தெரிவித்தனர்.


நன்றியுரையுடன் நிகழ்ச்சி நிறைவுபெற்றதைத் தொடர்ந்து, விருந்து நடைபெற்றது. இந்த நிகழ்வு, முன்னாள் மாணவர்கள் மற்றும் கல்லூரியின் உறவை மேலும் வலுப்படுத்திய ஒரு மறக்க முடியாத நிகழ்வாக அமைந்தது.