கோவையில், 10-ஆம் வகுப்பு பொதுத் தேர்வினை 519 பள்ளிகளில் இருந்து 41,649 மாணவ, மாணவியர்கள் எழுதினர். இதில், 40,156 பேர் தேர்ச்சி பெற்றுள்ளனர்.
இதில் மாணவர்கள் 20511 பேர் தேர்வு எழுதிய நிலையில் 19447 பேர் தேர்ச்சி பெற்றுள்ளனர். மாணவிகள் 21138 பேர் தேர்வெழுதியதில் 20709 பேர் தேர்ச்சி பெற்றனர். இதன்மூலம் மாணவர்கள் தேர்ச்சி விகிதம் 94.81 சதவிகிதமாகவும், மாணவிகள் தேர்ச்சி விகிதம் 97.97 சதவிகிதமாகவும் உள்ளது.
10 ஆம் வகுப்பு தேர்ச்சி கடந்த 2015 ஆம் ஆண்டு 95.65 சதவிகிதமாக இருந்தது. 2016-யில் 96.22 சதவிகிதமாக உயர்ந்தது. தற்போது 2017 ஆம் ஆண்டில் 96.42 சதவிகிதமாக அதிகரித்துள்ளது. கடந்த ஆண்டைவிட இந்த தேர்ச்சி விகிதம் 0.2 சதவிகிதம் அதிகமாகும். மேலும், 238 பள்ளிகள் 100 சதவிகிதம் தேர்ச்சி பெற்றுள்ளன.
44 சிறைக் கைதிகள் தேர்ச்சி
கோவை மத்திய சிறை கைதிகள் 49 பேர் தற்போது 10 ஆம் வகுப்பு பொதுத் தேர்வு எழுதிய நிலையில் 44 பேர் தேர்ச்சி பெற்றுள்ளனர்.