மத்திய கிடங்கு கழகத்தில் வேலைவாய்ப்பு

மத்திய கிடங்கு கழகத்தில் பல்வேறு பிரிவுகளின் கீழ் உள்ள காலிப்பணியிடங்களை நிரப்பும் வகையில் விண்ணப்பங்கள் வரவேற்கப்படுகின்றன. 

இதில், பொது மேலாண்மை பயிற்சி பணிக்கு 37 காலியிடங்களும், தொழில்நுட்ப மேலாண்மை பயிற்சிக்கு 6 இடங்களும் உள்ளன. இப்பணியிடங்களுக்கு விண்ணப்பிக்கும் விண்ணப்பதாரர்களின் வயது 13.10.2016 தேதியின்படி 28க்குள் இருக்க வேண்டும்.

இதேபோன்று, உதவி பொறியாளர் (சிவில்) பணிக்கு 15 இடங்களும், கணக்காளர் பணிக்கு 18 இடங்களும், கண்காணிப்பாளர் (பொது) பணிக்கு 130 காலியிடங்களை உள்ளன. இதன் விண்ணப்பதாரர்கள் வயது 13.10.2016 தேதியின்படி 30க்குள் இருக்க வேண்டும். இவ்வாறாக, ஜூனியர் கண்காணிப்பாளர், ஜூனியர் தொழில்நுட்ப உதவியாளர் உள்ளிட்ட பணியிடங்களும் நிரப்பப்பட உள்ளன. 

இதற்கான விண்ணப்பக் கட்டணம் ரூ.400 ஆகும். இப்பணிக்கு விண்ணப்பிக்க ஆர்வமுள்ளவர்கள் www.tnwc.in அல்லது http://www.cwcjobs.in/Datafiles/cms/BriefAdvt.pdf என்ற இணையதளத்தின் மூலம் அக்டோபர் 13ம் தேதிக்குள் விண்ணப்பிக்க வேண்டும்.