கோவை மாவட்டம், தொண்டாமுத்தூர் பகுதியில் செய்தி மக்கள் தொடர்புத் துறையின் சார்பில் தமிழக அரசின் சாதனை விளக்க புகைப்படக் கண்காட்சி மற்றும் அதிநவீன மின்னனு வாகனம் மூலம் சாதனை விளக்க குறும்படம் ஒளிபரப்பப்பட்டு வருவதை நகராட்சி நிர்வாகம், ஊரக வளர்ச்சி மற்றும் சிறப்புத் திட்டங்கள் செயலாக்கத்துறை அமைச்சர் எஸ்.பி.வேலுமணி பார்வையிட்டார்.
இந்த புகைப்படக் கண்காட்சியில் தேசிய தலைவர்கள் தமிழக முதலமைச்சரை சந்தித்து வளர்ச்சித் திட்டங்கள் குறித்த நிகழ்ச்சி புகைப்படங்களும், முதலமைச்சர் ஜெயலலிதா துவக்கி வைத்த நலத்திட்டங்கள், அரசு விழாக்கள், தமிழக அரசின் சிறப்புத்திட்டங்கள் உள்ளிட்ட அரசின் பல்வேறு சாதனைகளை விளக்கும் வகையில் புகைப்படங்கள் இடம் பெற்றிருந்தன. இதனை அப்பகுதி மக்கள் ஆர்வமுடன் கண்டுரசித்தனர்.
இந்நிகழ்ச்சியில் சட்டமன்ற உறுப்பினர்கள் ஆர்.கனகராஜ், அம்மன் கே.அர்ஜுனன், எட்டிமடை சண்முகம், கஸ்தூரிவாசு, மாவட்ட மத்திய கூட்டுறவு வங்கித்தலைவர் ஆர்.ஏ.சக்திவேல், செய்தி மக்கள் தொடர்பு அலுவலர் லெ.பாண்டி, உதவி செய்திமக்கள் தொடர்பு அலுவலர் அ.சுகுமார் உள்ளிட்ட பலர் கலந்து கொண்டனர்.