தமிழ்நாடு வேளாண்மைப் பல்கலைக்கழகத்தின் சார்பில் தேனீ வளர்ப்பு பயிற்சி

தமிழ்நாடு வேளாண்மைப் பல்கலைக்கழகத்தில், பூச்சியியல் துறை சார்பாக ஒவ்வொரு மாதமும் தேனீ வளர்ப்பு சம்பந்தமான ஒரு நாள் பயிற்சி அளிக்கப்படுகின்றது. அதனடிப்படையில், ஜனவரி மாதத்திற்கான பயிற்சி வரும் ஜனவரி 6-ஆம் தேதியன்று வழங்கப்பட உள்ளது.

1. தேனீ இனங்களை கண்டுபிடித்தல்

2. பெட்டிகளில் தேனீ வளர்க்கும் முறை மற்றும் நிர்வாகம்

3. தேனீக்கு உணவு தரும் பயிர்கள் மற்றும் மகரந்த சேர்க்கை மூலம் மகசூல்

4. அதிகரிக்கும்  பயிர்களின் விவரம்

5. தேனைப் பிரித்தெடுத்தல்

6. தேனீக்களின் இயற்கை எதிரிகள் மற்றும் நோய் நிர்வாகம்

பயிற்சியில் கலந்துகொள்ள ஆர்வமுள்ளவர்கள் பயிற்சி நாள் அன்று காலை 9 மணிக்குள்ளாக வேளாண் பூச்சியியல் துறைக்கு வர வேண்டும். பயிற்சி கட்டணம் 250 ரூபாய் வசூலிக்கப்படும் . பயிற்சி நேரம் காலை 10 முதல் மாலை 5 மணிவரை ஆகும். பயிற்சியின் இறுதியில் சான்றிதழ் வழங்கப்படும்.

இணையம் மூலம் பயிற்சி கட்டணத் தொகையை செலுத்த முறைப்படி வங்கி கணக்கு எண் 30078485742, TNAU கிளை, பாரத ஸ்டேட் வங்கியில் வரைவோலை மூலம் முன்கூட்டியே செலுத்தி இரசீது நகல் எடுத்து வர வேண்டும். அல்லது, பயிற்சித் தொகையினை பயிற்சி நாளன்றும் ரொக்கமாக செலுத்தலாம்.

மேலும் விவரங்களுக்கு பேராசிரியர் மற்றும் தலைவர், வேளாண் பூச்சியியல் துறை, தமிழ்நாடு வேளாண்மைப் பல்கலைக் கழகம், கோவை - 641 003 என்ற முகவரியிலோ அல்லது 0422-6611214 என்ற தொலைபேசி எண்ணிற்கோ தொடர்பு கொள்ளலாம்.