மீட்டர் ஆட்டோ கட்டணத்தை உயர்த்தக்கோரி எஸ்.டி.டி.யு தொழிற்சங்கம் கோரிக்கை

சோசியல் டெமாக்ரட்டிக் டிரேடு யூனியன் சார்பில் ஆட்டோ மீட்டர் கட்டணத்தை உயர்த்தக்கோரி மாவட்ட ஆட்சியர் அலுவலகத்தில் சோசியல் டெமாக்ரட்டிக் டிரேடு யூனியன் தொழிற்சங்கத்தை சார்ந்த 50-க்கும் மேற்பட்டோர் இணைந்து மாவட்ட ஆட்சியரிடம் மனு அளித்தனர். 



அம்மனுவில், ஆட்டோ ஓட்டுநர்கள் மீட்டர் கட்டணத்தின் அடிப்படையில் குறைந்தளவு ரூபாய் 25 மற்றும் கிலோ மீட்டருக்கு ரூபாய் 12 வீதம் ஆட்டோ ஓட்டி வருகின்றனர். 

தற்போது பெட்ரோல், டீசல் மற்றும் உதிரிபாகங்களின் விலையேற்றம் மேலும் விலைவாசி உயர்வால் போதிய வருவாய் இன்றி மிகவும் சிரமப்படுகிறார்கள். 

ஆகவே, இப்பிரச்சனையில் மாவட்ட ஆட்சியர் நடவடிக்கைகளை எடுத்து ஆட்டோ மீட்டர் கட்டணத்தை மினிமம் ரூபாய் 35 மற்றும் கிலோ மீட்டருக்கு ரூபாய் 18 என உயர்த்தி புதிய கட்டண நிர்ணயம் செய்ய வேண்டும்" என தெரிவிக்கப்பட்டுள்ளது.