கோவை மாநகராட்சி 27-வது வார்டில் தூய்மைப் பணிகளை ஆய்வு செய்த கவுன்சிலர் அம்பிகா தனபால்

Coimbatore: கோவை மாநகராட்சி 27வது வார்டு பீளமேடு பாரதி காலனி பிரதான சாலை பகுதியில் மாஸ் கிளீனிங் நடைபெற்றது. இந்த தூய்மைப் பணிகளை வார்டு கவுன்சிலர் அம்பிகா தனபால் நேரில் சென்று பார்வையிட்டு ஆய்வு செய்தார்.

கவுன்சிலர் அம்பிகா தனபால், சாக்கடை மற்றும் சாலையோரத்தில் உள்ள குப்பைகள் அனைத்தையும் முழுமையாக சுத்தம் செய்யுமாறு தூய்மைப் பணியாளர்களிடம் அறிவுறுத்தினார். மேலும், பகுதியில் உள்ள குப்பைகளை முழுமையாக அகற்றுமாறு வலியுறுத்தினார்.



பீளமேடு கோபால் நகர், லால் பகதூர் காலனி, சிரூங்கார் நகர் ஆகிய பகுதிகளிலும் கவுன்சிலர் ஆய்வு மேற்கொண்டார். இங்கு தினசரி குப்பை வாங்கும் ஆட்டோக்கள் சரியாக வருகின்றனவா என்பதை நேரில் சென்று பார்வையிட்டு உறுதி செய்தார்.



குப்பைகள் அனைத்தையும் முழுமையாக சேகரிக்குமாறும், சாலையோரத்தில் உள்ள குப்பைகளை முற்றிலுமாக அகற்றுமாறும் தூய்மைப் பணியாளர்களுக்கு கவுன்சிலர் அம்பிகா தனபால் உத்தரவிட்டார். இந்த ஆய்வின் மூலம் வார்டில் உள்ள பல்வேறு பகுதிகளில் தூய்மைப் பணிகள் தீவிரமாக மேற்கொள்ளப்படுவதை உறுதி செய்துள்ளார்.