ஓணம் பண்டிகைக்காக கோவை வழியாக சென்னை-மங்களூரு மற்றும் சென்னை-கண்ணூர் இடையே சிறப்பு ரயில் சேவை

Coimbatore: சேலம் ரயில்வே கோட்ட நிர்வாகம் வெளியிட்டுள்ள செய்திக்குறிப்பின்படி, ஓணம் பண்டிகையை முன்னிட்டு கோவை வழியாக சென்னை-மங்களூரு மற்றும் சென்னை-கண்ணூர் இடையே சிறப்பு ரயில்கள் இயக்கப்பட உள்ளன.

சென்னை-மங்களூரு சிறப்பு ரயில் (எண்: 06161) செப்டம்பர் 13 அன்று மாலை 3:10 மணிக்கு சென்னை சென்ட்ரல் ரயில் நிலையத்தில் இருந்து புறப்பட்டு, மறுநாள் காலை 8:30 மணிக்கு மங்களூரு ரயில் நிலையத்தை வந்தடையும். திரும்பும் வழியில், மங்களூரு-சென்னை சிறப்பு ரயில் (எண்: 06162) செப்டம்பர் 15 அன்று மாலை 6:45 மணிக்கு மங்களூரில் இருந்து புறப்பட்டு, மறுநாள் காலை 11:40 மணிக்கு சென்னை சென்ட்ரல் ரயில் நிலையத்தை வந்தடையும்.

இந்த ரயில் காசர்கோடு, நிலேஸ்வர், பையனூர், கண்ணூர், தலச்சேரி, வடகரை, கோழிக்கோடு, திரூர், ஷொரணூர், பாலக்காடு, கோவை, திருப்பூர், ஈரோடு, சேலம், ஜோலார்பேட்டை, காட்பாடி, அரக்கோணம் உள்ளிட்ட ரயில் நிலையங்களில் நின்று செல்லும்.

சென்னை-கண்ணூர் சிறப்பு ரயில் (எண்: 06163) செப்டம்பர் 14 அன்று இரவு 11:50 மணிக்கு சென்னை சென்ட்ரலில் இருந்து புறப்பட்டு, மறுநாள் நண்பகல் 1:30 மணிக்கு கண்ணூர் ரயில் நிலையத்தை வந்தடையும். திரும்பும் வழியில், கண்ணூர்-சென்னை சிறப்பு ரயில் (எண்: 06164) செப்டம்பர் 16 அன்று மாலை 3:45 மணிக்கு கண்ணூரில் இருந்து புறப்பட்டு, மறுநாள் காலை 7:55 மணிக்கு சென்னை சென்ட்ரல் ரயில் நிலையத்தை வந்தடையும்.

இந்த ரயில் தலச்சேரி, வடகரை, கோழிக்கோடு, திரூர், ஷொரணூர், ஒட்டப்பாலம், பாலக்காடு, கோவை, திருப்பூர், ஈரோடு, சேலம், ஜோலார்பேட்டை, காட்பாடி உள்ளிட்ட ரயில் நிலையங்களில் நின்று செல்லும் என்று ரயில்வே நிர்வாகம் தெரிவித்துள்ளது.