கோவை வடக்கு தொகுதியில் போட்டியிடும் பாஜக மகளிரணித் தலைவர் வானதி சீனிவாசன், தீவிர பிரச்சாரத்தால் ஏற்பட்ட காலில் வலி மற்றும் வீக்கம் காரணமாக கோவையில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டுள்ளார். மருத்துவர்கள் 48 மணி நேர ஓய்வு அறிவுறுத்தியுள்ளனர்.
Coimbatore: பாஜக தேசிய மகளிரணித் தலைவர் வானதி சீனிவாசன், கோவை வடக்கு தொகுதியில் போட்டியிடுவதற்காக கடந்த சில நாட்களாக தீவிர வாக்கு சேகரிப்பு பணியில் ஈடுபட்டு வந்த நிலையில், உடல்நலக்குறைவு காரணமாக வெள்ளிக்கிழமை மாலை மருத்துவமனையில் அனுமதிக்கப்பட்டுள்ளார்.
வெற்றியைப் பதிவு செய்ய வேண்டும் என்ற நோக்கில், கடந்த சில நாட்களாக கட்சி நிர்வாகிகள் மற்றும் கூட்டணிக் கட்சியினருடன் இணைந்து தீவிர வாக்கு சேகரிப்பில் ஈடுபட்டு வந்தார் வானதி சீனிவாசன். கோடையின் கடும் வெயிலையும் பொருட்படுத்தாமல் தொகுதி முழுவதும் வீதி வீதியாகச் சென்று பிரச்சாரம் மேற்கொண்டு வாக்கு சேகரித்தார்.
இந்த தொடர் பிரச்சாரத்தின் விளைவாக அவருக்கு காலில் கடுமையான வலியும், வீக்கமும் ஏற்பட்டுள்ளது. வலியின் தீவிரம் அதிகரித்ததைத் தொடர்ந்து, கோவை அவிநாசி சாலையில் உள்ள தனியார் மருத்துவமனையில் வெள்ளிக்கிழமை மாலை சிகிச்சைக்காக அனுமதிக்கப்பட்டார்.
அவரைப் பரிசோதித்த மருத்துவக் குழுவினர் தேவையான சிகிச்சை அளித்துள்ளனர். தேர்தல் நெருங்கும் நேரத்தில் ஓய்வின்றி உழைத்ததே இந்த உடல்நலப் பாதிப்புக்கு முக்கிய காரணம் என அவருக்கு சிகிச்சையளித்த மருத்துவர்கள் தெரிவித்துள்ளனர். அடுத்த 48 மணி நேரம் அவர் கட்டாயம் முழு ஓய்வில் இருக்க வேண்டும் என்றும் மருத்துவர்கள் அறிவுறுத்தியுள்ளனர்.
அவர் விரைவில் குணமடைந்து மீண்டும் தேர்தல் களத்துக்குத் திரும்ப வேண்டும் என பாஜக கட்சியினர் விருப்பம் தெரிவித்து வருகின்றனர்.
வெற்றியைப் பதிவு செய்ய வேண்டும் என்ற நோக்கில், கடந்த சில நாட்களாக கட்சி நிர்வாகிகள் மற்றும் கூட்டணிக் கட்சியினருடன் இணைந்து தீவிர வாக்கு சேகரிப்பில் ஈடுபட்டு வந்தார் வானதி சீனிவாசன். கோடையின் கடும் வெயிலையும் பொருட்படுத்தாமல் தொகுதி முழுவதும் வீதி வீதியாகச் சென்று பிரச்சாரம் மேற்கொண்டு வாக்கு சேகரித்தார்.
இந்த தொடர் பிரச்சாரத்தின் விளைவாக அவருக்கு காலில் கடுமையான வலியும், வீக்கமும் ஏற்பட்டுள்ளது. வலியின் தீவிரம் அதிகரித்ததைத் தொடர்ந்து, கோவை அவிநாசி சாலையில் உள்ள தனியார் மருத்துவமனையில் வெள்ளிக்கிழமை மாலை சிகிச்சைக்காக அனுமதிக்கப்பட்டார்.
அவரைப் பரிசோதித்த மருத்துவக் குழுவினர் தேவையான சிகிச்சை அளித்துள்ளனர். தேர்தல் நெருங்கும் நேரத்தில் ஓய்வின்றி உழைத்ததே இந்த உடல்நலப் பாதிப்புக்கு முக்கிய காரணம் என அவருக்கு சிகிச்சையளித்த மருத்துவர்கள் தெரிவித்துள்ளனர். அடுத்த 48 மணி நேரம் அவர் கட்டாயம் முழு ஓய்வில் இருக்க வேண்டும் என்றும் மருத்துவர்கள் அறிவுறுத்தியுள்ளனர்.
அவர் விரைவில் குணமடைந்து மீண்டும் தேர்தல் களத்துக்குத் திரும்ப வேண்டும் என பாஜக கட்சியினர் விருப்பம் தெரிவித்து வருகின்றனர்.