கோவையில் நாளை மக்கள் குறைதீர்க்கும் நாள் கூட்டம் அறிவிப்பு

Coimbatore: கோயம்புத்தூர் மாநகராட்சி பிரதான அலுவலகத்தில் நாளை (15.09.2026) செவ்வாய்க்கிழமை மக்கள் குறைதீர்க்கும் நாள் கூட்டம் நடைபெறவுள்ளது. மேயர் கா.ரங்கநாயகி ராமச்சந்திரன் தலைமையில் நடைபெறும் இக்கூட்டம் காலை 11.00 மணி முதல் நண்பகல் 1.00 மணி வரை நடைபெறும் என மாநகராட்சி ஆணையாளர் கட்டா ரவி தேஜா IAS தெரிவித்துள்ளார்.




கோயம்புத்தூர் மாநகராட்சிக்குட்பட்ட பகுதிகளில் வாழும் பொதுமக்கள் தங்களது குறைகளை நேரடியாக மேயரிடம் முன்வைத்து தீர்வு காண இது வாய்ப்பாக அமையும். பிறப்பு மற்றும் இறப்பு சான்றிதழ்கள், சாலை வசதி, தெருவிளக்குகள், குடிநீர் வசதி, பாதாள சாக்கடை, தொழில்வரி, சொத்துவரி, காலியிடவரி போன்ற வரி தொடர்பான விவகாரங்கள் குறித்து மனுக்களை அளிக்கலாம்.




மேலும் புதிய குடிநீர் இணைப்பு, பெயர் திருத்தம், மருத்துவம், சுகாதாரம், கல்வி உள்ளிட்ட அடிப்படை வசதிகள் தொடர்பான கோரிக்கைகளையும் முன்வைக்கலாம் என்று அறிவிக்கப்பட்டுள்ளது. இந்த மனுக்களின் மீது சம்பந்தப்பட்ட மாநகராட்சி அலுவலர்கள் உரிய நடவடிக்கை மேற்கொள்வர்.




வாரந்தோறும் செவ்வாய்க்கிழமை தொடர்ந்து நடைபெறும் இந்த குறைதீர்க்கும் கூட்டத்தில் பொதுமக்கள் கலந்து கொண்டு பயன்பெறுமாறு மாநகராட்சி ஆணையாளர் கட்டா ரவி தேஜா IAS வேண்டுகோள் விடுத்துள்ளார். நகர்ப்புற வளர்ச்சி மற்றும் மக்கள் நலனுக்கான திட்டங்கள் குறித்தும் இக்கூட்டத்தில் விவாதிக்கப்படும்.