கோடை கால கிரிக்கெட் பயிற்சி முகாம் நாளை மறுநாள் தொடக்கம்

கோவை : ஸ்ரீ ராமகிருஷ்ணா கிரிக்கெட் டிரஸ்ட் சார்பில் நடத்தப்படும் கோடை கால கிரிக்கெட் பயிற்சி முகாம் நாளை மறுநாள் தொடங்குகிறது. 

கோவை ஸ்ரீ ராமகிருஷ்ணா கிரிக்கெட் டிர்ஸ்ட் சார்பில் 8 வயது முதல் 19 வயதிற்குட்பட்டோருக்கு அளிக்கப்படும் இந்தப் பயிற்சி முகாம் அடுத்த மாதம் 15-ம் தேதி வரை நடக்கிறது. இது குறித்து நிர்வாக அறங்காவலர் லஷ்மிநாராயணசாமி கூறுகையில், "இந்தக் கோடை கால பயிற்சியானது எஸ்.என். ஆர் கல்லூரி மைதானத்தில் கோவை மாவட்ட கிரிக்கெட் அணியின் முன்னாள் கேப்டன் வினோத்குமார், நாசர் மற்றும் மாநில அளவிலான 16 வயதிற்குட்பட்டோருக்கான துணை பயிற்சியாளர் அவிநாஷ் ஆகியோர் பயிற்சி அளிக்க உள்ளனர். 

இந்தக் கோடை கால பயிற்சி முகாமில் பங்கு கொள்ள விரும்புபவர்கள் சத்தி சாலையில் அமைந்துள்ள ஸ்ரீ ராமகிருஷ்ணா கிரிகெட் டிரஸ்ட் அலுவலகத்தை காலை 9.30 மணி முதல் மதியம் 1.30 வரை நேரிலோ அல்லது 0422-2531022/2531122 என்ற தொலைபேசி எண்கள் மற்றும் 7200558793 என்ற அலைபேசியில் தொடர்பு கொண்டு மேலும் விபரங்களைப் பெற்று கொள்ளலாம்," எனக் கூறியுள்ளார்.