சேரன் மற்றும் கோவை எக்ஸ்பிரஸ் ரயில்கள் நாளை ரத்து

கோவை: அரக்கோணம் கோட்டத்திற்குட்பட்ட பகுதிகளில் பெரிய அளவிலான பொறியியல் நடவடிக்கைகள் மேற்கொள்ள இருப்பதால், சேரன் மற்றும் கோவை எக்ஸ்பிரஸ் ரயில்களின் சேவை நாளை ரத்து செய்யப்படுவதாக அறிவிக்கப்பட்டுள்ளது. 

இது தொடர்பாக சேலம் தெற்கு ரயில் விடுத்துள்ள அறிவிப்பில் :- அரக்கோணம் ரயில்வே கோட்டத்தில் பெரிய அளவிலான பொறியியல் நடவடிக்கைகள் மேற்கொள்ளப்பட்டு வருகின்றன. இறுதிகட்டத்தை எட்டியுள்ள இந்தப் பணிகள் இன்றோ அல்லது நாளையோ முடிவு பெறும். இந்தப் பொறியியல் நடவடிக்கைகளுக்கு ஏதுவாக நாளைய (மே 06) ரயில் சேவையில் மாற்றங்கள் செய்யப்பட்டுள்ளன. குறிப்பாக, சென்னையில் இருந்து கோவை மார்க்கமாக இயக்கப்படும் ரயில்களின் சேவைகள் நாளை ரத்து செய்யப்பட்டுள்ளன.  

ரத்து செய்யப்பட்ட ரயில்களின் விபரம் :

1. (ரயில் எண். 12674) கோவை - சென்னை சென்ட்ரல் வரை இயக்கப்படும் சேரன் எக்ஸ்பிரஸ், 2. (ரயில் எண். 12675) சென்னை சென்ட்ரல் - கோவை வரை இயக்கப்படும் கோவை எக்ஸ்பிரஸ், (ரயில் எண். 12676) கோவை - சென்னை சென்ட்ரல் வரை இயக்கப்படும் கோவை எக்ஸ்பிரஸ் ரயில்களின் சேவைகள் நாளை முழுவதும் ரத்து செய்யப்படுகிறது.

இதேபோல,  நாளை இயக்கப்படும் ரயில்களின் நேரமும் மாற்றியமைக்கப்பட்டுள்ளது..