கோவை வெள்ளலூரில் ராஜாவாய்க்கால் அடைப்பை சீரமைக்க அறிவுறுத்திய மாநகராட்சி ஆணையாளர்

Coimbatore: வெள்ளலூர் பிரதான சாலை, சிங்கை நகர் பகுதியில் உள்ள ராஜவாய்க்காலில் மழையினால் ஏற்பட்டிருந்த அடைப்பினை உடனடியாக சரிசெய்திடுமாறு கோயம்புத்தூர் மாநகராட்சி ஆணையாளர் கட்டா ரவி தேஜா சம்மந்தப்பட்ட அலுவலர்களுக்கு அறிவுறுத்தினார்.

கோயம்புத்தூர் மாநகராட்சி, கிழக்கு மண்டலம், வார்டு எண்.58-க்குட்பட்ட இப்பகுதியில் உள்ள ராஜவாய்க்காலை ஆணையாளர் நேரில் சென்று பார்வையிட்டார். மழையின் காரணமாக வாய்க்காலில் ஏற்பட்டிருந்த அடைப்பினைக் கண்டறிந்த அவர், அதனை உடனடியாக நீக்கி சீரமைக்குமாறு பொறுப்பு அலுவலர்களுக்கு உத்தரவிட்டார்.

இந்த பார்வையின்போது மாநகர தலைமைப் பொறியாளர் விஜயகுமார், உதவி ஆணையர் தட்சிணாமூர்த்தி, உதவி செயற்பொறியாளர்கள் எழில், இளங்கோவன்(பொ) மற்றும் மாநகராட்சி அலுவலர்கள் உட்பட பலர் உடன் இருந்தனர். இந்த நிகழ்வு 16.10.2026 அன்று நடைபெற்றது.