ஸ்ரீ ராமகிருஷ்ணா பொறியியல் கல்லூரி வளாகத்தில் டெக் கார்டு லேப்ஸ் அறக்கட்டளை துவக்க விழா

Coimbatore: Sri Ramakrishna Engineering College SREC Spark வளாகத்தில் Tech Card Labs Foundation நிறுவனத்தின் துவக்க விழா சிறப்பாக நடைபெற்றது. இந்நிகழ்வு, கோயம்புத்தூர் அலுவலகத்தின் அதிகாரப்பூர்வ துவக்கத்தையும், தொழில் மற்றும் கல்வித்துறைக்கான இணைய பாதுகாப்பு சேவைகளின் ஆரம்பத்தையும் குறிக்கும் முக்கிய நிகழ்வாக அமைந்தது.

இந்த நிறுவனம் SNR Sons Charitable Trust, Ariel University, Promit Ltd மற்றும் R ITAUDIT ஆகியவற்றின் கூட்டாண்மையின் மூலம் உருவாக்கப்பட்டது. இந்தியா மற்றும் இஸ்ரேல் நாடுகளின் தொழில்நுட்ப ஒத்துழைப்பின் அடையாளமாக இந்த முயற்சி அமைந்துள்ளது.

விழாவை SNR நிர்வாக அறங்காவலர் Sundar Ramakrishnan, இணை நிர்வாக அறங்காவலர் Narendran Soundararaj, அறங்காவலர்கள் Ramakrishna Vijayakumar மற்றும் Lakshminarayanasamy Duraisamy ஆகியோர் தொடங்கி வைத்தனர்.

சிறப்பு அழைப்பாளர்களாக Biopharmax-India தலைமை நிர்வாக அதிகாரி Shankar Mohan, TechLabs Foundation துணை நிர்வாக இயக்குநர் David Belostotsky, தலைமை வணிக அலுவலர் Lalindra Munasinghe ஆகியோர் கலந்து கொண்டனர்.

Ariel University Rector Professor Albert Pinhasov மற்றும் இஸ்ரேல் வர்த்தக மற்றும் பொருளாதார விவகாரங்களுக்கான தூதரக அதிகாரி Yair Osheroff (பெங்களூரு) ஆகியோர் சிறப்புரை வழங்கினர். விருந்தினர்கள் உலகளாவிய இணைய பாதுகாப்பு தேவைகள், தொழில்நுட்ப மேம்பாடு மற்றும் இந்தியா-இஸ்ரேல் கல்வி மற்றும் தொழில் ஒத்துழைப்பின் முக்கியத்துவத்தை வலியுறுத்தினர்.

தென்னிந்திய தொழில்கள் மற்றும் கல்வி நிறுவனங்களுக்கு மேம்பட்ட cyber security தீர்வுகளை வழங்கும் நோக்கத்துடன் இந்த நிறுவனம் செயல்படவுள்ளது. பாதுகாப்பான டிஜிட்டல் எதிர்காலத்தை உருவாக்கும் புதிய முயற்சியின் முக்கிய மைல்கல்லாக இந்நிகழ்வு அமைந்தது.

இதில் தலைமை செயல் அலுவலர் C.V.Ramkumar, தலைமை நிர்வாக அலுவலர் T.Maheshkumar, கல்லூரி முதல்வர் Soundhirarajan, Tech Labs Senior Manager Hari Hara Gopal, துறைத்தலைவர்கள், Dean, பேராசிரியர்கள் உட்பட பலர் கலந்துகொண்டனர். பல்வேறு கல்வியாளர்கள், தொழில்துறை நிபுணர்கள் மற்றும் சிறப்பு விருந்தினர்கள் கலந்து கொண்ட இந்த துவக்க விழா சிறப்பாக நிறைவுற்றது.