கோவை பேருந்து நிலையத்தில் சிறுவனுக்கு பாலியல் தொல்லை தந்த குற்றவாளிக்கு 8 ஆண்டு சிறை தண்டனை

Coimbatore: வடவள்ளி பேருந்து நிலையத்தில் பள்ளி மாணவனுக்கு பாலியல் தொல்லை அளித்த வழக்கில் எதிரி சேது மாதவனுக்கு போக்சோ சிறப்பு நீதிமன்றம் 8 வருட கடுங்காவல் தண்டனையும் ரூ.2,000 அபராதமும் விதித்து தீர்ப்பளித்துள்ளது. கோவை மாநகர் ஆர்.எஸ்.புரம் சரகத்திற்குட்பட்ட (மேற்கு) அனைத்து மகளிர் காவல் நிலையத்தில் பதிவான இவ்வழக்கின்படி, 2025ம் ஆண்டு பாதிக்கப்பட்ட சிறுவன் பள்ளி முடித்து வீட்டிற்கு செல்ல வேண்டி வடவள்ளி பேருந்து நிறுத்தத்தில் பேருந்துக்காக காத்திருந்தான். பேருந்து தாமதமான காரணத்தால் சிறுவன் பேருந்து நிலையத்தில் உள்ளே பயணிகள் அமரும் இடத்தில் அமர்ந்திருந்தபோது, அருகில் இருந்த சேது மாதவன் அவன் பக்கத்தில் வந்து அமர்ந்து பாலியல் தொல்லை செய்துள்ளார். இவ்வழக்கில் காவல் ஆய்வாளர் G. பழனியம்மாள் முதல் புலன் விசாரணை அதிகாரியாக பணியாற்றினார். பின்னர் காவல் ஆய்வாளர் C. மகேஸ்வரி 02.03.2025 ஆம் தேதி எதிரி மீது குற்ற இறுதி அறிக்கை தாக்கல் செய்தார். இவ்வழக்கு கனம் போக்சோ சிறப்பு நீதிமன்றத்தில் விசாரணைக்கு வந்தது. 06.10.2026 ஆம் தேதி கனம் போக்சோ சிறப்பு நீதிமன்ற நீதிபதி ஹரிஹரன், எதிரிக்கு 8 வருட கடுங்காவல் தண்டனையும் ரூ.2,000 அபராதமும் வழங்கி தீர்ப்பளித்தார். அரசு தரப்பில் அரசு வழக்கறிஞர் ரமணி ஆஜரானார். இவ்வழக்கில் சிறப்பாக பணியாற்றிய ஆய்வாளர்கள் G. பழனியம்மாள், C. மகேஸ்வரி மற்றும் தலைமைக்காவலர் பியூலா செல்வகுமாரி ஆகியோரை உயர் அதிகாரிகள் வெகுவாக பாராட்டினர்.