கோவை கவுண்டம்பாளையம் சிவநகர் சிவாலயத்தில் 17ஆம் ஆண்டு விழா, மகா சிவ 108 லிங்க வழிபாடு

Coimbatore: கோவை கவுண்டம்பாளையம் சிவநகர் சிவாலயத்தில் 17ஆம் ஆண்டு விழா மற்றும் மகாளயபட்ச அமாவாசையையொட்டி மகா சிவ 108 லிங்க வழிபாடு மற்றும் மகா சிவ வேள்வி வழிபாடு சிறப்பாக நடைபெற்றது.

கோவை கவுண்டம்பாளையம் சிவநகர் பகுதியில் உள்ள ஆதி மங்கள விநாயகர் திருக்கோவிலில் எழுந்தருளியுள்ள சிவ பெருமான் ஆலயத்தில், 17ஆம் ஆண்டு விழா மற்றும் மகாளயபட்ச அமாவாசை விழா விமர்சையாக நடைபெற்றது. இதையடுத்து கோவில் வளாகத்தில் மகா சிவ 108 லிங்கங்கள் பிரதிஷ்டை செய்து வழிபாடு நடத்தப்பட்டது.

அதிகாலை தொடங்கிய மகா சிவா வேள்வி யாகத்தில் 108 மூலிகைகளைக் கொண்டு கேள்வியாகவும் நடைபெற்றது. மகா சிவ வேள்வியாகத்தை தென்சேரி மலை ஆதீனம் திருநாவுக்கரசர் நந்தவனத் திருமடம் திருப்பெரு முத்து சிவராம சாமி அடிகளார் நடத்தி வைத்தார்.

தொடர்ந்து தீர்த்த குடம் எடுத்தல் நடைபெற்று, அருள்மிகு மங்களநாயகி உடனமர் மங்களநாதர் திருமேனிக்கு புனித நீராட்டு நடைபெற்றது. அதைத் தொடர்ந்து 108 சிவலிங்கத்திற்கு அபிஷேகம் நடைபெற்றது. தொடர்ந்து அலங்கார வழிபாடு, தீபாராதனை வழிபாடு நடைபெற்று பக்தர்களுக்கு அன்னதானம் வழங்கப்பட்டது.

மாலை திருக்கல்யாண உற்சவம் அருள்மிகு மங்களநாயகி உடனமர் மங்களநாதர் திருவீதி உலா நடைபெற்றது. அனைவருக்கும் அன்னதானம் வழங்கப்பட்டது. இந்த விழாக்களில் சுற்றுப் பகுதிகளில் இருந்து திரளான பக்தர்கள் கலந்து கொண்டனர்.

இந்த யாகத்தில் கலந்து கொள்ளும் பக்தர்களின் குடும்ப நலனுக்காக, ஆரோக்கியமும் நீண்ட ஆயுளும் பெற, குழந்தை பேரு பெற, திருமண தடை நீங்க, தொழில் மற்றும் வியாபாரம் சிறந்து வளர, கடன் தொல்லை நீங்க, கல்விச்செல்வம் பெற, வீடு, நிலம் வாங்க, மன துன்பங்கள் நீங்க 108 சிவலிங்க வழிபாடு மற்றும் வேள்வி வழிபாட்டினால் பலன் கிடைக்கும் என தெரிவித்தனர்.

விழாவிற்கான ஏற்பாடுகளை கோவில் நிர்வாக குழு, பிரதோச வழிபாட்டுக்குழு, பவுர்ணமி மகளிர் குழு மற்றும் ஊர் பொதுமக்கள் செய்திருந்தனர்.