கோவை வழியாக சென்னை – மங்களூரு ஒருவழி சிறப்பு ரயில்: தெற்கு ரயில்வே அறிவிப்பு

Coimbatore: பண்டிகைக் காலத்தில் அதிகரிக்கும் பயணிகளின் கூட்ட நெரிசலைக் குறைக்கும் வகையில், அக்டோபர் 17ஆம் தேதி சென்னை எழும்பூரில் இருந்து மங்களூரு சென்ட்ரல் வரை ஒருவழி சிறப்பு ரயிலை இயக்க தெற்கு ரயில்வே அறிவித்துள்ளது. இந்த ரயில் கோவை வழியாகச் செல்லும் வகையில் திட்டமிடப்பட்டுள்ளது.

ரயில் எண் 06036, சென்னை எழும்பூர் – மங்களூரு சென்ட்ரல் சிறப்பு ரயில், அக்டோபர் 17ஆம் தேதி இரவு 11.55 மணிக்குச் சென்னை எழும்பூரில் இருந்து புறப்பட்டு, அக்டோபர் 18ஆம் தேதி இரவு 7.45 மணிக்கு மங்களூரு சென்ட்ரல் நிலையத்தைச் சென்றடையும். இந்த ரயில் சேலம், ஈரோடு, திருப்பூர், போத்தனூர் வழியாக இயக்கப்படும்.

இந்தச் சிறப்பு ரயில் பெரம்பூர், திருவள்ளூர், அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர், போத்தனூர், பாலக்காடு, ஷோரனூர், திரூர், கோழிக்கோடு, வடகரா, தலச்சேரி, கண்ணூர், பய்யனூர், நீலேஸ்வரம், காஞ்ஹங்காடு மற்றும் காசர்கோடு ஆகிய ரயில் நிலையங்களில் நின்று செல்லும்.

சேலம் கோட்டம் வெளியிட்டுள்ள கால அட்டவணையின்படி, அக்டோபர் 18ஆம் தேதி ஜோலார்பேட்டை ரயில் நிலையத்துக்கு அதிகாலை 3.30 மணிக்கும், சேலத்துக்கு அதிகாலை 5.10 மணிக்கும், ஈரோட்டுக்கு காலை 6.20 மணிக்கும், திருப்பூருக்கு காலை 7.13 மணிக்கும், போத்தனூருக்கு காலை 9.13 மணிக்கும் ரயில் வந்தடையும்.

இந்த நிலையங்களில் இருந்து முறையே அதிகாலை 3.35 மணி, 5.13 மணி, 6.30 மணி, 7.15 மணி மற்றும் காலை 9.15 மணிக்குப் புறப்படும்.

இந்தச் சிறப்பு ரயிலில் குளிர்சாதன முதல் வகுப்பு, குளிர்சாதன இரண்டடுக்கு, குளிர்சாதன மூன்றடுக்கு, படுக்கை வசதி மற்றும் பொது இரண்டாம் வகுப்பு பெட்டிகள் இணைக்கப்பட்டிருக்கும். மேலும், மாற்றுத்திறனாளிகளுக்கான வசதிகளுடன் கூடிய சரக்குப் பெட்டி மற்றும் பிரேக் வேன் ஆகியவையும் இடம்பெறும்.