கோவை குண்டுவெடிப்பு வழக்கில் தண்டனை பெற்ற 5 பேருக்கு 60 நாட்கள் பரோல்

Coimbatore: கோவையில் 1998-ஆம் ஆண்டு நடைபெற்ற தொடர் குண்டுவெடிப்பு வழக்கில் தண்டனை பெற்று, கோவை மத்திய சிறையில் நீண்டகாலமாக அடைக்கப்பட்டிருந்த ஐந்து பேருக்கு 60 நாட்கள் பரோல் வழங்கப்பட்டுள்ளது.

அல் உம்மா இயக்கத்தின் பொதுச் செயலாளர் முகமது அன்சாரி, முகமது அலி, முகமது அஜாம், மோனப்பா மற்றும் நவாப்கான் ஆகிய ஐந்து பேருக்கும் சிறைத்துறை சார்பில் பரோல் வழங்கி உத்தரவிடப்பட்டுள்ளது.

இதன்படி, இன்று முதல் 60 நாட்கள் பரோலில் செல்ல அனுமதி அளிக்கப்பட்டதைத் தொடர்ந்து, ஐந்து பேரும் கோவை மத்திய சிறையிலிருந்து வெளியே சென்றனர்.

கோவை குண்டுவெடிப்பு வழக்கில் தண்டனை பெற்று நீண்டகாலமாகச் சிறையில் இருந்து வரும் 22 பேரில், தற்போது ஐந்து பேருக்கு பரோல் வழங்கப்பட்டுள்ளது குறிப்பிடத்தக்கது.