கோவை பாரதியார் பல்கலைக்கழக கிரிக்கெட் போட்டியில் SRCAS கல்லூரி சாம்பியன்

Coimbatore: கோவை பாரதியார் பல்கலைக்கழக அளவிலான 2026-27 கல்வியாண்டிற்கான கிரிக்கெட் போட்டியில் ஸ்ரீ ராமகிருஷ்ணா கலை மற்றும் அறிவியல் கல்லூரி (SRCAS) மகளிர் அணி சாம்பியன் பட்டத்தை வென்றது.

நாக்-அவுட் சுற்றில் பாரதியார் பல்கலைக்கழக அணியை எதிர்கொண்ட SRCAS அணி, 10 ஓவர்களில் விக்கெட் இழப்பின்றி 108 ரன்கள் எடுத்தது. சந்தியா ஆட்டமிழக்காமல் 52 ரன்களும், சிவரஞ்சனி 34 ரன்களும் எடுத்தனர். தொடர்ந்து விளையாடிய பாரதியார் பல்கலைக்கழக அணி 28 ரன்களுக்கு ஆட்டமிழந்தது. வைஷ்ணவி 4 விக்கெட்டுகளை வீழ்த்தி அணியின் வெற்றிக்கு முக்கியப் பங்காற்றினார். SRCAS அணி 80 ரன்கள் வித்தியாசத்தில் வெற்றி பெற்றது.

லீக் சுற்றின் முதல் போட்டியில் நிர்மலா கல்லூரி அணியை 40 ரன்களுக்கு ஆட்டமிழக்கச் செய்த SRCAS அணி, 5.2 ஓவர்களில் 2 விக்கெட்டுகளை இழந்து 41 ரன்கள் எடுத்து 8 விக்கெட்டுகள் வித்தியாசத்தில் வெற்றி பெற்றது. மித்ரா 4 விக்கெட்டுகளை வீழ்த்தினார்.

இரண்டாவது போட்டியில் கோபி கலை மற்றும் அறிவியல் கல்லூரி அணிக்கு எதிராக SRCAS அணி 160 ரன்கள் குவித்தது. சந்தியா 65 ரன்களும், அப்சரா 48 ரன்களும் எடுத்தனர். பதிலுக்கு விளையாடிய கோபி அணி 49 ரன்களுக்கு ஆட்டமிழந்ததால் SRCAS அணி 111 ரன்கள் வித்தியாசத்தில் வெற்றி பெற்றது.

மூன்றாவது போட்டியில் VET இன்ஸ்டிடியூட் ஆஃப் ஆர்ட்ஸ் அண்ட் சயின்ஸ் அணியை எதிர்கொண்ட SRCAS அணி, 120 ரன்கள் எடுத்து 80 ரன்கள் வித்தியாசத்தில் வெற்றி பெற்றது. சந்தியா 74 ரன்களும், சிவரஞ்சனி 35 ரன்களும் எடுத்தனர்.

தொடர்ச்சியான வெற்றிகளால் சாம்பியன் பட்டத்தை வென்ற SRCAS மகளிர் அணிக்கு கல்லூரி நிர்வாகம் பாராட்டுகளைத் தெரிவித்தது.