தமிழ்நாடு வேளாண்மைப் பல்கலைக்கழகத்தில் 192 பேர் இரத்த தானம்

Coimbatore: தமிழ்நாடு வேளாண்மைப் பல்கலைக்கழக வளாகத்தில் உலக குருதி கொடையாளர் தினத்தை முன்னிட்டு சிறப்பு இரத்த தான முகாம் ஏற்பாடு செய்யப்பட்டு வெற்றிகரமாக நடைபெற்றது. சிங்காநல்லூர் அரசு மருத்துவக் கல்லூரி மற்றும் ESI மருத்துவமனை ஆகியவற்றுடன் இணைந்து ஜூன் 22, 2026 அன்று இந்த முகாம் நடத்தப்பட்டது.



காலை 9.00 மணிக்கு தமிழ்நாடு வேளாண்மைப் பல்கலைக்கழக செயல் துணைவேந்தர் Dr. கா. சுப்ரமணியன் இந்த இரத்த தான முகாமை துவக்கி வைத்தார். சிங்காநல்லூர் ESI ரத்த வங்கியின் தலைமை மருத்துவர் Dr. உமாசரோஜினி தனது மருத்துவ குழுவினருடன் இம்முகாமை திறம்பட நடத்தி வந்தார்.



இம்முகாமில் பல்கலைக்கழக மாணவ மாணவியர், ஆசிரியர்கள், ஆசிரியர் அல்லாத ஊழியர்கள், ஓட்டுநர்கள் மற்றும் தொழிலாளர்கள் உள்பட மொத்தம் 192 பேர் தானமாக இரத்த தானம் செய்தனர். உலக குருதி கொடையாளர் தினத்தை முன்னிட்டு நடத்தப்பட்ட இம்முகாம் மாணவர்கள் மற்றும் பணியாளர்களிடையே சமூக பொறுப்புணர்வை ஏற்படுத்தியது.

இரத்த தானம் செய்வது உயிர் காக்கும் பெருமையான செயல் என்பதை வலியுறுத்தி, தொடர்ந்தும் இது போன்ற முகாம்களை ஏற்பாடு செய்வதாக பல்கலைக்கழக நிர்வாகம் தெரிவித்துள்ளது. தானம் செய்த அனைவருக்கும் சான்றிதழ்கள் வழங்கப்பட்டன.