கோவை மாவட்டம் கிணத்துக்கடவு அருகே சாலையோரத்தில் பாதி எரிந்த நிலையில் அடையாளம் தெரியாத பெண்ணின் சடலம் மீட்கப்பட்ட சம்பவம் பரபரப்பை ஏற்படுத்தியுள்ளது. கொலையா, தற்கொலையா என்பது உள்ளிட்ட பல்வேறு கோணங்களில் காவல்துறையினர் விசாரணை நடத்தி வருகின்றனர்.
கோவை: கோவை மாவட்டம் கிணத்துக்கடவு அருகே சாலையோரத்தில் பாதி எரிந்த நிலையில் அடையாளம் தெரியாத பெண்ணின் சடலம் மீட்கப்பட்ட சம்பவம் அப்பகுதியில் பரபரப்பை ஏற்படுத்தியுள்ளது.
பொள்ளாச்சி – கோவை தேசிய நெடுஞ்சாலையிலிருந்து கோடங்கிபாளையம் செல்லும் சாலையோரத்தில், உடல் பாதி எரிந்த நிலையில் பெண்ணின் சடலம் கிடப்பதை அவ்வழியாக சென்றவர்கள் கண்டு கிணத்துக்கடவு காவல் நிலையத்திற்கு தகவல் தெரிவித்தனர்.
தகவலின் பேரில் சம்பவ இடத்திற்கு விரைந்த காவல்துறையினர், பெண்ணின் உடலை மீட்டு பிரேதப் பரிசோதனைக்காக கோவை அரசு மருத்துவமனைக்கு அனுப்பி வைத்தனர்.
இதனையடுத்து, தடயவியல் நிபுணர்கள் சம்பவ இடத்தில் ஆய்வு மேற்கொண்டு முக்கிய தடயங்களை சேகரித்தனர். மேலும், மோப்ப நாய்கள் உதவியுடன் அப்பகுதியில் சோதனை மேற்கொள்ளப்பட்டது.
சம்பவம் தொடர்பாக, சடலம் மீட்கப்பட்ட பகுதியை ஒட்டியுள்ள கண்காணிப்பு கேமராக்களின் பதிவுகளை காவல்துறையினர் ஆய்வு செய்து வருகின்றனர். உயிரிழந்த பெண் யார், அவர் எந்த பகுதியைச் சேர்ந்தவர், இது கொலையா அல்லது தற்கொலையா என்பது உள்ளிட்ட பல்வேறு கோணங்களில் கிணத்துக்கடவு காவல்துறையினர் தீவிர விசாரணை மேற்கொண்டு வருகின்றனர்.
பொள்ளாச்சி – கோவை தேசிய நெடுஞ்சாலையிலிருந்து கோடங்கிபாளையம் செல்லும் சாலையோரத்தில், உடல் பாதி எரிந்த நிலையில் பெண்ணின் சடலம் கிடப்பதை அவ்வழியாக சென்றவர்கள் கண்டு கிணத்துக்கடவு காவல் நிலையத்திற்கு தகவல் தெரிவித்தனர்.
தகவலின் பேரில் சம்பவ இடத்திற்கு விரைந்த காவல்துறையினர், பெண்ணின் உடலை மீட்டு பிரேதப் பரிசோதனைக்காக கோவை அரசு மருத்துவமனைக்கு அனுப்பி வைத்தனர்.
இதனையடுத்து, தடயவியல் நிபுணர்கள் சம்பவ இடத்தில் ஆய்வு மேற்கொண்டு முக்கிய தடயங்களை சேகரித்தனர். மேலும், மோப்ப நாய்கள் உதவியுடன் அப்பகுதியில் சோதனை மேற்கொள்ளப்பட்டது.
சம்பவம் தொடர்பாக, சடலம் மீட்கப்பட்ட பகுதியை ஒட்டியுள்ள கண்காணிப்பு கேமராக்களின் பதிவுகளை காவல்துறையினர் ஆய்வு செய்து வருகின்றனர். உயிரிழந்த பெண் யார், அவர் எந்த பகுதியைச் சேர்ந்தவர், இது கொலையா அல்லது தற்கொலையா என்பது உள்ளிட்ட பல்வேறு கோணங்களில் கிணத்துக்கடவு காவல்துறையினர் தீவிர விசாரணை மேற்கொண்டு வருகின்றனர்.