Coimbatore மாநகராட்சி வார்டு 50, 51, 52, 54, 100 பகுதிகளில் வெறிநாய்க்கடி தடுப்பூசி திட்டத்தை தீவிரப்படுத்தி, கால்நடை மருத்துவர்கள், மாணவர்கள், தன்னார்வலர்களின் ஒருங்கிணைந்த முயற்சியால் ஒரே நாளில் 600க்கும் மேற்பட்ட தெருநாய்களுக்கு தடுப்பூசி செலுத்தப்பட்டு, வெறிநாய்க்கடி இல்லாத நகரமாக மாற்றும் முயற்சி மேற்கொள்ளப்படுகிறது.
Coimbatore: கோவை மாநகராட்சிக்கு உட்பட்ட பகுதிகளில் வெறிநாய்க்கடியைத் தடுப்பதற்கும் பொதுமக்களின் சுகாதாரத்தைப் பாதுகாப்பதற்கும் மேற்கொள்ளப்பட்டு வரும் தொடர் நடவடிக்கைகளின் ஒரு பகுதியாக, தெருநாய்களுக்கான வெறிநாய்க்கடி தடுப்பூசி திட்டம் தீவிரப்படுத்தப்பட்டுள்ளது. வார்டு எண் 50, 51, 52, 54 மற்றும் 100 ஆகிய பகுதிகளிலும், அவற்றைச் சுற்றியுள்ள பல்வேறு இடங்களிலும் இந்த சிறப்பு தடுப்பூசி முகாம் நடத்தப்பட்டது.
மாநகராட்சியின் ஒருங்கிணைந்த முயற்சிகளின் மூலம் நடத்தப்பட்ட இந்த தடுப்பூசி முகாமுக்கு கால்நடை பராமரிப்புத் துறையின் ஆதரவோடு, நான்கு கால்நடை மருத்துவப் பயிற்சி மாணவர்கள் தடுப்பூசி குழுக்களுக்கு பணியமர்த்தப்பட்டுள்ளனர். மாநகராட்சி கால்நடை மருத்துவ அலுவலர்கள், கால்நடை மருத்துவப் பயிற்சி மாணவர்கள், களப் பணியாளர்கள், விலங்குகள் நலன் சார்ந்த தன்னார்வத் தொண்டு நிறுவனங்களின் தன்னார்வலர்கள், நாய்களைப் பிடிக்கும் குழுக்கள் மற்றும் பிற உதவிப் பணியாளர்கள் ஆகியோரின் ஒருங்கிணைந்த முயற்சியின் மூலம், ஒரே நாளில் சுமார் 600க்கும் மேற்பட்ட தெருநாய்களுக்கு தடுப்பூசி செலுத்தப்பட்டுள்ளது.
இதன் மூலம் குறித்த பகுதிகளில் வெறிநாய்க்கடி தடுப்பு நடவடிக்கைகளும், தடுப்பூசி செலுத்தும் பரப்பளவும் கணிசமாக வலுப்படுத்தப்பட்டுள்ளது. மாநகராட்சிக்குட்பட்ட பகுதிகளில் தெருநாய்களின் எண்ணிக்கைக்கு முழுமையான தடுப்பூசி பாதுகாப்பை ஏற்படுத்தும் நோக்கில், அனைத்து மண்டலங்களிலும் வெறிநாய்க்கடி தடுப்பூசி திட்டம் தீவிரப்படுத்தப்பட்டு வருகிறது.
தொடர்ச்சியாக செயல்படுத்தப்படும் வெறிநாய்க்கடி தடுப்பூசி (ARV) மற்றும் விலங்குகளின் பிறப்புக் கட்டுப்பாடு (ABC) திட்டங்களின் மூலம், தெருவிலங்குகளின் மனிதாபிமானமான மேலாண்மை மற்றும் நலனை உறுதி செய்வதுடன், பொதுமக்களின் சுகாதாரத்தைப் பாதுகாப்பதில் மாநகராட்சி சிறப்பாக பணியாற்றி வருகிறது.
மேலும், கால்நடை பராமரிப்புத் துறை, தன்னார்வத் தொண்டு நிறுவனங்கள் மற்றும் களப் பணிக்குழுக்களின் ஒத்துழைப்புக்கு கோவை மாநகராட்சி சார்பாக நன்றியையும் பாராட்டையும் தெரிவித்துக்கொள்வதுடன், தடுப்பூசி குழுக்களுக்கு பொதுமக்கள் ஒத்துழைப்பு வழங்கி, கோவை மாநகராட்சியை வெறிநாய்க்கடி இல்லாத நகரமாக மாற்றுவதற்கான கூட்டு முயற்சிகளுக்கு பொதுமக்கள் ஆதரவு அளிக்குமாறு மாநகராட்சி சார்பாக கேட்டுக்கொள்ளப்படுகிறது.
மாநகராட்சியின் ஒருங்கிணைந்த முயற்சிகளின் மூலம் நடத்தப்பட்ட இந்த தடுப்பூசி முகாமுக்கு கால்நடை பராமரிப்புத் துறையின் ஆதரவோடு, நான்கு கால்நடை மருத்துவப் பயிற்சி மாணவர்கள் தடுப்பூசி குழுக்களுக்கு பணியமர்த்தப்பட்டுள்ளனர். மாநகராட்சி கால்நடை மருத்துவ அலுவலர்கள், கால்நடை மருத்துவப் பயிற்சி மாணவர்கள், களப் பணியாளர்கள், விலங்குகள் நலன் சார்ந்த தன்னார்வத் தொண்டு நிறுவனங்களின் தன்னார்வலர்கள், நாய்களைப் பிடிக்கும் குழுக்கள் மற்றும் பிற உதவிப் பணியாளர்கள் ஆகியோரின் ஒருங்கிணைந்த முயற்சியின் மூலம், ஒரே நாளில் சுமார் 600க்கும் மேற்பட்ட தெருநாய்களுக்கு தடுப்பூசி செலுத்தப்பட்டுள்ளது.
இதன் மூலம் குறித்த பகுதிகளில் வெறிநாய்க்கடி தடுப்பு நடவடிக்கைகளும், தடுப்பூசி செலுத்தும் பரப்பளவும் கணிசமாக வலுப்படுத்தப்பட்டுள்ளது. மாநகராட்சிக்குட்பட்ட பகுதிகளில் தெருநாய்களின் எண்ணிக்கைக்கு முழுமையான தடுப்பூசி பாதுகாப்பை ஏற்படுத்தும் நோக்கில், அனைத்து மண்டலங்களிலும் வெறிநாய்க்கடி தடுப்பூசி திட்டம் தீவிரப்படுத்தப்பட்டு வருகிறது.
தொடர்ச்சியாக செயல்படுத்தப்படும் வெறிநாய்க்கடி தடுப்பூசி (ARV) மற்றும் விலங்குகளின் பிறப்புக் கட்டுப்பாடு (ABC) திட்டங்களின் மூலம், தெருவிலங்குகளின் மனிதாபிமானமான மேலாண்மை மற்றும் நலனை உறுதி செய்வதுடன், பொதுமக்களின் சுகாதாரத்தைப் பாதுகாப்பதில் மாநகராட்சி சிறப்பாக பணியாற்றி வருகிறது.
மேலும், கால்நடை பராமரிப்புத் துறை, தன்னார்வத் தொண்டு நிறுவனங்கள் மற்றும் களப் பணிக்குழுக்களின் ஒத்துழைப்புக்கு கோவை மாநகராட்சி சார்பாக நன்றியையும் பாராட்டையும் தெரிவித்துக்கொள்வதுடன், தடுப்பூசி குழுக்களுக்கு பொதுமக்கள் ஒத்துழைப்பு வழங்கி, கோவை மாநகராட்சியை வெறிநாய்க்கடி இல்லாத நகரமாக மாற்றுவதற்கான கூட்டு முயற்சிகளுக்கு பொதுமக்கள் ஆதரவு அளிக்குமாறு மாநகராட்சி சார்பாக கேட்டுக்கொள்ளப்படுகிறது.