ஸ்ரீ ராமகிருஷ்ணா பாலிடெக்னிக் கல்லூரியில் பொறியாளர் தினம் கொண்டாட்டம்

Coimbatore: துடியலூர் அருகே வட்டமலை பாளையத்தில் அமைந்துள்ள ஸ்ரீ ராமகிருஷ்ணா பாலிடெக்னிக் கல்லூரியில் பொறியாளர் தினம் விமரிசையாக கொண்டாடப்பட்டது. இந்நிகழ்ச்சியில் கல்லூரியின் பல்வேறு துறைகளைச் சேர்ந்த ஆசிரியர்கள் மற்றும் மாணவர்கள் கலந்து கொண்டனர்.



நிகழ்ச்சியில் கல்லூரி முதல்வர் Dr. D. கோபாலகிருஷ்ணன் அனைவரையும் வரவேற்று உரையாற்றினார். SNR சன்ஸ் அறக்கட்டளை நிறுவனங்களின் முதன்மை நிர்வாக அதிகாரி D. மகேஷ் குமார் நிகழ்ச்சிக்கு தலைமை தாங்கி சிறப்புரை நிகழ்த்தினார்.

சிறப்பு விருந்தினராக இக்கல்லூரியின் Automobile துறை முன்னாள் மாணவரான S. சண்முகசுந்தரம் பங்கேற்றார். தற்போது மித்சுபிஷி EDM/Laser, MC Machinery System India Private Limited நிறுவனத்தில் மேலாளர் மற்றும் தலைவர் Applications (South) பதவியில் பணியாற்றி வரும் அவர், மாணவர்களுக்கு பொறியாளர் தின சிறப்புரை நிகழ்த்தினார்.



தனது உரையில் அவர், "மாணவர்கள் எதையும் கேள்வி கேட்டு தெளிவு பெற வேண்டும். எது மகிழ்ச்சி தரக்கூடியது, எது வெற்றி தரக்கூடியது என்பதைக் கண்டறிய வேண்டும். புதியவற்றை உருவாக்குதல், சிக்கல்களுக்கு தீர்வு காண்பது, தன்னை அறிந்து செயல்படுவது ஆகியவை அவசியம். நம்மை நாமே சுய மதிப்பீடு செய்து கொள்வது, சுய ஒழுக்கம் பேணுவது, நேர மேலாண்மை கடைபிடிப்பது மிக முக்கியம்" என்று வலியுறுத்தினார்.

பொறியாளர் தினத்தை முன்னிட்டு கோவை மற்றும் புறநகர் பகுதிகளில் உள்ள பள்ளி மாணவ மாணவியர்களுக்கான சிறப்பு போட்டிகள் ஏற்பாடு செய்யப்பட்டிருந்தன. ஓவியம் மற்றும் Science Innovation Projects போட்டிகளில் ஏராளமான மாணவர்கள் பங்கேற்றனர். இந்த போட்டிகளில் வெற்றி பெற்ற மாணவர்களுக்கு பரிசுகள் மற்றும் சான்றிதழ்கள் வழங்கி கௌரவிக்கப்பட்டது.



நிகழ்ச்சியின் இறுதியில் கணிப்பொறி துறைத் தலைவர் Dr. K. ஜெகதீஸ்வரன் நன்றி உரை நிகழ்த்தினார். இந்நிகழ்வு பொறியியல் துறையின் முக்கியத்துவத்தையும், இளைய தலைமுறையினரிடம் புதுமையான சிந்தனையை ஊக்குவிப்பதையும் வெளிப்படுத்தியது.