கோவை மாவட்டத்தில் சிங்காநல்லூர், ஒண்டிப்புதூர் பகுதிகளில் மிதமான மழை

கோவை : சிங்காநல்லூர், ஒண்டிப்புதூர் உள்ளிட்ட பகுதிகளில் தற்போது மிதமான மழை பெய்து வருகிறது. கோவை மாவட்டத்தின் பிற பகுதிகளிலும் கனமழை பெய்யும் என எதிர்பார்க்கப்படுகிறது. 

கத்திரி வெயில் கோவையை சுட்டெரிக்கத் தொடங்கிய நிலையில், கடந்த ஒரு வாரத்திற்கும் மேலாக மாலை நேரங்களில் தொடர்ந்து மழை பெய்து வருகிறது. இதனால், வெயிலின் தாக்கத்தில் இருந்து பொதுமக்கள் விடுபட்டுள்ளனர். எனவே, கோவை மக்கள் மகிழ்ச்சியுடன் மழையை வரவேற்கின்றனர். 



இந்த நிலையில், சிங்காநல்லூர், ஒண்டிப்புதூர் மற்றும் அதன் சுற்றுவட்டாரப் பகுதிகளில் மிதமான மழை பெய்து வருகிறது. வடவள்ளி மற்றும் தடாகம் பகுதிகளில் ஈரமான காற்று வீசி வருவதால், இன்னும் சிறிது நேரத்தில் மழை பெய்யும் என எதிர்பார்க்கப்படுகிறது. மேலும், வானம் இருண்டு காணப்படுவதால், கோவை மாவட்டத்தின் பிற பகுதிகளிலும் மழை பெய்யக்கூடும் எனத் தெரிகிறது. 


Video Courtsey: Raj Naren, Singanallur