கோவையில் திருத்தப்பட்ட இறுதி வாக்காளர் பட்டியலில் 30493 புதிய வாக்காளர்களை இணைத்துள்ளதாக மாவட்ட ஆட்சியர் ஹரிஹரன் தெரிவித்துள்ளார்.
கோவை, ஜனவரி 10
கோவையில் திருத்தப்பட்ட இறுதி வாக்காளர் பட்டியலில் 30493 புதிய வாக்காளர்களை இணைத்துள்ளதாக மாவட்ட ஆட்சியர் ஹரிஹரன் தெரிவித்துள்ளார்.
இந்திய தேர்தல் ஆணைய உத்தரவின்படி கோவை மாவட்டத்தில் 2018 ஜனவரி 1-ஆம் தேதியை தகுதி நாளாகக் கொண்டு வாக்காளர் பட்டியல் சிறப்பு சுருக்க திருத்தம் செய்யப்பட்டது. அதன் முடிவில் இன்று இறுதி வாக்காளர் பட்டியலை கோவை மாவட்ட ஆட்சியர் அலுவலகத்தில், ஆட்சியர் ஹரிஹரன் வெளியிட்டார். இந்தப் பட்டியலை அரசியல் கட்சிகளைச் சேர்ந்த பிரதிநிதிகள் பெற்றுக்கொண்டனர்.
இந்த சுருக்க திருத்தம் மூலம் 30,493 வாக்காளர்கள் புதிதாக சேர்க்கப்பட்டுள்ளனர். மற்றும் 62,459 வாக்காளர்கள் நீக்கப்பட்டுள்ளனர். அதன்படி கோவை மாவட்டத்தில் உள்ள 10 சட்டமன்ற தொகுதிகளில் 14,02,986 ஆண் வாக்காளர்கள், 14,26,298 பெண் வாக்காளர்கள் மற்றும் 286 இதர வாக்காளர்கள் என மொத்தம் 28,29,570 வாக்காளர்கள் உள்ளனர்.