மிலாதுன்‌ நபி தினத்தை முன்னிட்டு மதுபானக் கடைகளை மூட உத்தரவு

கோவை : மிலாதுன்‌ நபி தினத்தை முன்னிட்டு வரும் நவம்பர் 10ம் தேதி கோவை மாவட்டங்களில் மதுபானக் கடைகளை மூட மாவட்ட ஆட்சியர்‌ கு.இராசாமணி உத்தரவிட்டுள்ளது.

இது தொடர்பாக கோவை மாவட்ட நிர்வாகம் வெளியிட்டுள்ள அறிவிப்பில் கூறியிருப்பதாவது :- கோவை மாவட்டத்தில் உள்ள அனைத்து டாஸ்மாக் மதுபானக் கடைகள், அதனுடன் இணைக்கப்பட்ட மதுபானக் கூடங்கள் மற்றும் பொழுதுபோக்கு மனமகிழ்மன்றம் போன்ற கிளப்களில் செயல்படும் மதுக்கூடங்கள் மற்றும் நட்சத்திர ஓட்டல்களில் செயல்படும் மதுக்கூடங்கள், தமிழ்நாடு ஓட்டல் எஃப்.எல்.3ஏ மற்றும் இறக்குமதி செய்யப்பட்ட அயல்நாட்டு மதுபான வகைகள் விற்பனை செய்யும் கடைகள் ஆகிய உரிமத்தலங்களின் மதுக்கூடங்களை வரும் 10ம் தேதி மிலாதுன்‌ நபி தினத்தை முன்னிட்டு மூட உத்தரவிடப்பட்டுள்ளது.

மேலும், விதிமுறைகளுக்கு முரணாக மேற்குறிப்பிட்ட தேதியில் மதுபானங்கள் விற்பனை செய்பவர்கள் மீது சட்டவிதிகளின்படி நடவடிக்கை மேற்கொள்ளப்படும் என்று கோவை மாவட்ட ஆட்சியர் தெரிவித்துள்ளார்.