திருவனந்தபுரத்திற்கு கோவை வழியாக இன்று முதல் வாராந்திர சிறப்பு ரயில்!

கோவை: சில்சார் - திருவனந்தபுரம் இடையே கோவை வழியாக இன்று முதல் வாராந்திர சிறப்பு ரயில் இயக்கப்படுகிறது.

அசாம் மாநிலம் சில்சார் ஸ்டேஷனில் இருந்து இன்று முதல் திருவனந்தபுரத்திற்கு வாராந்திர சிறப்பு ரயில் இயக்கப்படுகிறது. வியாழன் தோறும் இரவு 8 மணிக்கு சில்சாரில் இருந்து புறப்படும் ரயில் கௌஹாத்தி, புவனேஸ்வர், விஜயவாடா, பெரம்பூர், ஜோலார்பேட்டை, சேலம், கோவை வழியாக நான்காம் நாள் இரவு 8.45- க்கு திருவனந்தபுரம் செல்கிறது.

திருவனந்தபுரத்தில் இருந்து வரும் 17ம் தேதி முதல் செவ்வாய் தோறும் மாலை 4.55 க்கு புறப்படும் ரயில் நான்காம் நாள் மாலை 4.40-க்கு சில்சார் சென்றடைகிறது. இத்துடன் இரண்டடுக்கு ஏசி வகுப்பு பெட்டிகள் ஒன்று, மூன்றடுக்கு ஏ.சி வகுப்பு பெட்டிகள் நான்கு, 13 சிவிப்பர் வகுப்பு பெட்டிகள், இரண்டாம் வகுப்பு பொதுப்பிரிவு பெட்டிகள் இரண்டும் இணைக்கப்பட்டு இருக்கும் என தெற்கு ரயில்வே தெரிவித்துள்ளது.