ஆனைமலை ஒழுங்குமுறை விற்பனை கூடத்தில் ரூ.28.285 லட்சத்துக்கு கொப்பரை விற்பனை

கோவை: ஆனைமலை ஒழுங்குமுறை விற்பனை கூடத்தில் செவ்வாய்க்கிழமை மற்றும் வியாழக்கிழமை தோறும் கொப்பரை ஏலம் நடைபெறுவது வழக்கம். அதன்படி இன்று வியாழக்கிழமை (ஜூன்.6) ஆனைமலை ஒழுங்குமுறை விற்பனை கூடத்தில் கொப்பரை ஏலம் நடைபெற்றது.

இதில், ஆனைமலை பகுதியைச் சேர்ந்த 102 விவசாயிகள் 708 மூட்டை கொப்பரைகளை ஒழுங்குமுறை விற்பனை கூடத்திற்கு விற்பனைக்கு கொண்டு வந்திருந்தனர். அதில், முதல் தர கொப்பரை 245 மூட்டைகள் குவிண்டாலுக்கு அதிகபட்சமாக ரூ.9,206க்கு விற்பனையானது. இரண்டாம் தரம் கொப்பரை 463 மூட்டைகள் அதிகபட்சமாக ரூ.8,116க்கு விற்பனையானது. மொத்தம் 332.76 குவிண்டால் கொப்பரை ரூ.28.285 லட்சத்துக்கு விற்பனையானது.