போட்ரா வெடிய..! தீபாவளிக்கு 3 நாள் அரசு விடுமுறை - தமிழக அரசு அரசாணை வெளியீடு

தீபாவளி பண்டிகை 27-ம் தேதி ஞாயிற்றுக்கிழமை வரும் நிலையில் அதற்கு அடுத்த நாளான 28-ம் தேதியை விடுமுறை நாளாக தமிழக அரசு அறிவித்துள்ளது.

தீபாவளி பண்டிகை வரும் 27-ம் தேதி கொண்டாடப்படவுள்ள நிலையில் இதற்காக தங்களது சொந்த ஊருக்கு செல்பவர்கள் திரும்பிவர அவகாசம் அளிக்கும் வகையில் அடுத்த நாளான 28-ம் தேதியை விடுமுறை நாளாக அறிவிக்க வேண்டும் என தமிழக அரசுக்கு கோரிக்கைகள் வந்தன.

இந்நிலையில், வரும் 28-ம் தேதியை விடுமுறை நாளாக தமிழக அரசு அறிவித்துள்ளது.

இதுதொடர்பாக, தமிழக அரசின் சார்பில் இன்றிரவு வெளியான அறிவிப்பில், 28-ம் தேதி அரசு நிறுவனங்கள், பள்ளிகள், கல்லூரிகளுக்கு விடுமுறை அளிக்கப்பட்டுள்ளது. அந்த விடுமுறையை ஈடுசெய்யும் வகையில் நவம்பர் 9-ம் தேதி இரண்டாம் சனிக்கிழமை பணிநாளாக அறிவித்து அரசாணை வெளியிடப்பட்டுள்ளது. 26-ம் தேதி சனிக்கிழமை, 27-ம் தேதி ஞாயிற்றுக்கிழமை மற்றும் 28-ம் தேதி திங்கட்கிழமை ஆகிய நாட்களில் பண்டிகை தொடர் விடுமுறை அளிக்கப்பட்டுள்ளது.