இரும்பு கர்டர் அமைக்கும் பணி: கோவை வழியாக செல்லும் ரயில் வழித்தடம் மாற்றியமைப்பு!

கோவை: கேரளாவில் இரும்பு கர்டர் அமைக்கும் பணி நடைபெற்று வருவதால் கோவை வழியாக செல்லும் ரயில் இயக்கத்தில் மாற்றம் செய்யப்பட்டுள்ளது.

இதுகுறித்து ரயில்வே நிர்வாகம் வெளியிட்டுள்ள செய்திக் குறிப்பில் கூறியிருப்பதாவது:- கேரளாவில் ரயில்வே பாலத்தில் 'இரும்பு கர்டர்' மாற்றியமைக்கும் பணிகள் காரணமாக, கோவை வழி ரயில் இயக்கத்தில் மாற்றம் செய்யப்பட்டுள்ளது. அதன்படி, திருவனந்தபுரம் - செகந்திராபாத் தினசரி சிறப்பு ரயில் (07229) நாளையும், 24ம் தேதியும் ஆலப்புழா வழியாக மாற்றி இயக்கப்படுகிறது. செங்கனுார், கோட்டயம் வழித்தடத்தில் ரயில் செல்லாமல் ஆலப்புழா, எர்ணாகுளம் வழியாக இவ்விரு நாட்களும் மாற்றி இயக்கப்படும். இவ்வாறு அதில் கூறப்பட்டுள்ளது.