கோவை கோனியம்மன் கோவில் தேரோட்டம்; போக்குவரத்து மாற்றம்

கோவை: கோவையின் காக்கும் தெய்வம் என அழைக்கப்படும் கோனியம்மன் கோயில் தேரோட்டம் நாளை, புதன்கிழமை நடைபெற இருப்பதால், கோவையில் நாளை போக்குவரத்து மாற்றம் அறிவிக்கப்பட்டுள்ளது.

அதன் விவரம் வருமாறு:- கோனியம்மன் கோவில் தேரோட்டம் நாளை புதன்கிழமை மதியம் 2 மணிக்கு நடைபெற உள்ளதால் மதியம் 12 மணி முதல் இரவு 8 மணி வரை போக்குவரத்து மாற்றம் செய்யப்பட்டுள்ளது.

- பாலக்காடு மற்றும் பொள்ளாச்சி சாலையில் இருந்து உக்கடம் வழியாக நகருக்குள் வரும் அனைத்து வாகனங்களும் ரயில்வே மேம்பாலம் வழியாக செல்ல வேண்டிய இடங்களுக்கு செல்லலாம்.

- அவினாசி சாலை திருச்சி சாலை பகுதிகளில் இருந்து வைசியாள் வீதி வழியாக செல்லும் அனைத்து வாகனங்களும் டவுண் ஹல் உக்கடம் சென்று பேரூர் பைபாஸ் ரோடு வழியாக சிவாலயா சந்திப்பை அடைந்து பேரூர் செல்லவேண்டும்.

- பேரூரிலிருந்து செட்டி வீதி ராஜவீதி வழியாக நகருக்குள் வரும் வாகனங்களில் சலீவன் வீதி வழியாக காந்திபார்க் அடைந்து நகருக்கு செல்ல வேண்டிய இடங்களுக்கு செல்லலாம்.

- ராஜவீதி ஒப்பணக்கார வீதி வைசியாள் வீதி கே.ஜி வீதி ஆகிய சாலைகளில் காலை 8 மணி முதல் இரவு 8 மணி வரை எந்த வாகனமும் நிறுத்த அனுமதி இல்லை.

இந்த தற்காலிக போக்குவரத்து மாற்றத்திற்கு பொதுமக்கள் அனைவரும் ஒத்துழைப்பு தர வேண்டும், என காவதுறை தரப்பில் அறிக்கை வெளியிடப்பட்டுள்ளது.