பயணிகள் எண்ணிக்கை குறைவு... கோவை - கண்ணூர் தினசரி சிறப்பு ரயில்கள் ரத்து..!

கோவை: கோவை - கண்ணூர் இடையிலான தினசரி சிறப்பு ரயிலில் பயணிகளின் எண்ணிக்கை குறைந்ததைத் தொடர்ந்து ரயில்வே நிர்வாகம் சிறப்பு ரயில் சேவையை ரத்து செய்துள்ளது.

பயணிகள் எண்ணிக்கை குறைவு காரணமாக கோவை கண்ணனூர் இடையேயான தினசரி சிறப்பு ரயில்கள் நாளை 6-ஆம் தேதி முதல் வரும் 15-ஆம் தேதி வரை ரத்து செய்யப்படுவதாக அறிவிக்கப்பட்டுள்ளது. இது தொடர்பாக சேலம் கோட்ட ரயில்வே அலுவலகம் வெளியிட்ட செய்திக்குறிப்பில், கண்ணூர் - கோவை இடையேயான தினசரி சிறப்பு ரயில் (எண்.06607) கோவை - கண்ணூர் இடையேயான தினசரி சிறப்பு ரயில் (எண். 06608) ஆகியவை வரும் 6-ஆம் தேதி முதல் 15ம் தேதி வரை தற்காலிகமாக ரத்து செய்யப்படுகிறது.

அதேபோல் எஸ்வந்த்பூர் கண்ணூர் இடையேயான தினசரி சிறப்பு ரயில் கண்ணூர் எஸ்வந்த்பூர் இடையேயான சிறப்பு ரயில் ஆகியவையும் மறு உத்தரவு வரும் வரை ரத்து செய்யப்படுகின்றன என அந்த செய்திக்குறிப்பில் தெரிவிக்கப்பட்டுள்ளது.