கோவை துடியலூரில் திமுக சார்பில் முதல்வர் பிறந்த நாள் கொண்டாட்டம்

கோவை: முதல்வர் மு.க.ஸ்டாலின் பிறந்தநாளை ஒட்டி துடியலூரில் ஒன்றாவது வட்ட திமுகவினர், கட்சிக் கொடி ஏற்றி பொதுமக்களுக்கு இனிப்புகள் வழங்கினர்.

தமிழக முதல்வரும், திமுக தலைவருமான மு.க.ஸ்டாலினின் 70ஆவது பிறந்தநாளை திமுகவினர் வெகு விமரிசையாகக் கொண்டாடி வருகின்றனர்.



இதன் ஒரு பகுதியாக துடியலூர் 1ஆவது வட்ட திமுக சார்பில் துடியலூர் பேருந்து நிலையத்தில் வட்ட கழக செயலாளர் ராஜசேகரன் தலைமையில், கட்சிக் கொடி ஏற்றி பொதுமக்களுக்கு இனிப்புகள் வழங்கப்பட்டது.



இந்நிகழ்ச்சியில் பகுதி கழக செயலாளர் அருள்குமார் கலந்து கொண்டு கட்சிக் கொடியினை ஏற்றிவைத்து பொதுமக்களுக்கு இனிப்புகளை வழங்கினார்.

முன்னதாக 1ஆவது வார்டுக்குட்பட்ட அப்பநாயக்கன்பாளையம் மாநகராட்சி நடுநிலைப் பள்ளியில் மாணவர்களுக்கு முதலமைச்சரின் காலை உணவு வழங்கும் திட்டத்தினை துவக்கி வைத்தார்.



இந்நிகழ்ச்சியில் தலைமைச் செயற்குழு உறுப்பினர் சுப்பிரமணியன், மாமன்ற உறுப்பினர் கற்பகம் ராஜசேகரன்,பகுதி கழக நிர்வாகிகள் ராக்கிமுத்து, சன்சோமு, சண்முகசுந்தரம், பிரபாகரன், சுப்பிரமணியன் மற்றும் வட்டக் கழக நிர்வாகிகள் காளிமுத்துசாமி, ஆனந்தன், உதயகுமார் உள்பட பலர் கலந்து கொண்டனர்.