மாநகராட்சி ஆரம்பப்பள்ளிக்கு விளையாட்டு மைதானத்தின் உபகரணங்கள் ரோட்டரி கிளப் ஆப் கோயமுத்தூர் வழங்கியது

கோவை ஆர்.எஸ் புரத்தில் உள்ள கோயமுத்தூர் மாநகராட்சி ஆரம்பப்பள்ளியில் விளையாட்டு மைதானத்தின் உபகரணங்கள் ரோட்டரி கிளப் ஆப் கோயமுத்தூர் சார்பில் வழங்கப்பட்டது. இதனை ரோட்டரி கிளப் ஆப் கோயமுத்தூர் உறுப்பினர் அகர்வால் துவங்கி வைத்தார். கோயமுத்தூர் மாநகராட்சி ஆரம்பப்பள்ளியில் 1ம் வகுப்பு முதல் 5ம் வகுப்பு வரை 146 குழந்தைகள் படித்து வருகின்றனர். 



இது குறித்து ரோட்டரி கிளப் ஆப் கோயமுத்தூர் செயலாளர் ராம்குமார் கூறுகையில்; ரோட்டரி கிளப் ஆப் கோயமுத்தூர் சார்பில் கோயமுத்தூர் மாநகராட்சி ஆரம்பப்பள்ளியில் விளையாட்டு மைதானத்தின் உபகரணங்கள் இன்று துவங்கி வைக்கப்பட்டது. இந்த மாநகராட்சி ஆரம்பப்பள்ளியின் தலைமை ஆசிரியருக்கு முன்னதாகவே ரோட்டரி கிளப் ஆப் கோயமுத்தூர் சார்பில் சிறந்த ஆசிரியருக்கான விருது வழங்கப்பட்டது. 



அந்த நிகழ்ச்சியின் போது இப்பள்ளியின் தலைமை ஆசிரியர் எங்களிடம் கூறுகையில் எங்கள் பள்ளிக்கு விளையாட்டு மைதானத்தின் உபகரணங்கள் இல்லை என்று தெரிவித்தார். அவர்களின் வேண்டுகோளை ஏற்று ரோட்டரி கிளப் ஆப் கோயமுத்தூர் உறுப்பினர் அகர்வால் இத்திட்டத்தினை எடுத்து ரூபாய் 40 ஆயிரம் செலவில் விளையாட்டு மைதானத்தின் உபகரணங்களை வழங்கி உதவி செய்தார். அதேபோல் மெர்சி ஹோம், பத்துக்கும் மேற்பட்ட பள்ளிகளுக்கும் விளையாட்டு மைதானத்தின் உபகரணங்கள், கழிவறை வசதிகள் போன்றவற்றை செய்து கொடுத்துள்ளோம்.   



இதனை ஆர்க் பவுண்டேஷன் ஏற்பாடு செய்தது கொடுத்தது. இதில், ரோட்டரி கிளப் ஆப் கோயமுத்தூர் தலைவர் குருதீப் சிங், ரோட்டரி கிளப் ஆப் கோயமுத்தூர் செயலாளர் ராம்குமார், ரோட்டரி கிளப் ஆப் கோயமுத்தூர் உறுப்பினர் அகர்வால், ஆர்க் பவுண்டேஷன் நிறுவனர் அபர்ணா மற்றும் பள்ளி ஆசிரியர்கள் கலந்து கொண்டனர்.