கோவை பேருந்தில் பெண்ணின் கழுத்தில் இருந்த 3 பவுன் தங்கச் சங்கிலி திருட்டு

கோவை: கோவை அடுத்த மதுக்கரை மலைசாமி கோயில் தெருவைச் சேர்ந்த சைலஜா (38) என்ற பெண்ணின் கழுத்தில் இருந்த 3 பவுன் தங்கச் சங்கிலி பேருந்தில் திருடப்பட்டுள்ளது.

நஞ்சப்பா ரோட்டில் உள்ள ஒரு மின்சார பொருட்கள் கடையில் பணிபுரியும் சைலஜா, ஜூலை 13 அன்று வேலை முடிந்து பேருந்தில் குனியமுத்தூர் செல்லும் போது இந்த சம்பவம் நடந்துள்ளது. பேருந்தில் ஏற்பட்ட கூட்ட நெரிசலை பயன்படுத்தி, மர்ம நபர் ஒருவர் சைலஜாவின் கழுத்தில் இருந்த தங்கச் சங்கிலியை அறுத்து எடுத்துக் கொண்டு தப்பிச் சென்றுள்ளார்.

இந்த சம்பவத்தால் அதிர்ச்சியடைந்த சைலஜா, குனியமுத்தூர் காவல் நிலையத்தில் புகார் அளித்துள்ளார். இதையடுத்து, காவல்துறையினர் வழக்குப் பதிவு செய்து விசாரணை மேற்கொண்டு வருகின்றனர். திருடப்பட்ட நகையின் மதிப்பு சுமார் ரூ.1.5 லட்சம் என தெரிவிக்கப்பட்டுள்ளது.